DSK og Banon hittast á fundi í lögreglustöð í París
Dominique Strauss-Kahn (DSK), fyrrverandi forstjóri Alþjóðagjaldeyrissjóðsins, sat tvær klukkustundir fimmtudaginn 29. september hjá lögreglu í París með Tristane Banon rithöfundi sem hefur sakað hann um að reyna að nauðga sér árið 2003.
Lögfræðingar tóku ekki þátt í þessum fundi sem fór fram undir handarjaðri lögreglunnar. Hvorki Banon (32 ára) né Strauss-Kahn (62 ára) sögðu neitt þegar þau yfirgáfu lögreglustöðina sem var umsetin fjölda blaðamanna.
Fundir af þessu tagi tíðkast hjá frönsku lögreglunni þegar tvær manneskjur lýsa atviki sem þeir áttu sameiginlegt á ólíkan hátt. Fundurinn kann að leiða til þess að saksóknari ákveði að hætt skuli rannsókn málsins vegna þess að kæra Banon sé tilhæfulaus, þá kann hann einnig að komast að þeirri niðurstöðu að of langt sé um liðið til að halda málinu áfram eða einfaldlega álíta að málið sé ekki þess eðlis að réttmætt sé að ákæra.
Lögregla hefur þegar yfirheyrt 20 vitni í málinu þar á meðal François Hollande sem stefnir að því að verða forsetaframbjóðandi sósíalista.
Banon sagði fyrst frá árás DSK á sig í sjónvarpsþætti 2007 en ákvað að kæra eftir að fréttir bárust um miðjan maí um meinta nauðgun hans á hótelþernu í New York. Fallið var frá þeirri ákæru þar sem þernan þótti ekki trúverðug.
Banon sagðist sl. laugardag (24. september) hrædd við að hitta DSK. Hún hefur sagt að DSK hefði ráðist að sér eins og „simpansi á fengitíma“ eftir að hafa lokkað sig inn í auða íbúð í París undir því yfirskini að hann ætlaði að veita henni viðtal vegna bókar sem hún var að rita.
DSK viðurkennir að hafa „reynt við“ Banon en neitar að hafa beitt nokkru ofbeldi og hefur stefn henni fyrir meiðandi ummæli um sig. Hún segist munu fara í einkamál falli ákæruvaldið frá sakamáli.
Þótt Banon hafi lýst hræðslu við að hitta DSK hefur hún einnig sagt að hún vildi geta horfst í augu við hann með lögreglu sem vitni og heyra hann segja upp í opið geðið á sér að hún hefði ímyndað sér þetta allt saman.
Hótelþernan í New York, Nafissatou Diallo, hefur höfðað einkamál á hendur DSK. Hann krefst frávísunar á því þar sem hann njóti úrlendisréttar sem forstjóri Alþjóðagjaldeyrissjóðsins. DSK hefur sakað Diallo um að trufla viðleitni sína til að bjarga efnahag heimsins með því að vega að sér þegar hann hafði allan hugann við fjármálakeppuna.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- Í pottinumEasy-Jet fækkar ferðum London-Moskva um helming
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.