Liam Fox segir af sér sem varnarmálaráðherra Bretlands
Liam Fox, varnarmálaráðherra Breta, sagði af sér embætti föstudaginn 14. október vegna tengsla sinna við Adam Verritty, vin ráðherrans og sjálfskipaðan ráðgjafa. Fox hefur átt í vök að verjast vegna þessa í nokkra daga og hafin var rannsókn á því hvort hann hefði brotið gegn starfsreglum ráðherra.
Í afsagnarbréfi sínu til Davids Camerons, forsætisráðherra Bretlands, sagðist Fox fyrir mistök hafa látið einkahagsmuni og opinberar skyldur skarast. Forsætisráðherrann sagðist harma brottför Fox úr ríkisstjórninni en „skilja ástæður“ að baki henni.
Varnarmálaráðherrann átti undir högg að sækja eftir að spurðist að Werritty hagsmunamiðlari hefði hitt hann í 18 utanlandsferðum þótt hann hefði engum opinberum skyldum að gegna. Hann hefði dreift nafnspjöldum sem gáfu til kynna að hann væri ráðgjafi Fox.
Þá hefur einnig verið spurt hver hafi greitt fyrir viðskiptaumsvif Werrittys og hvort hann hefði hagnast sjálfur á miklum samgangi sínum við varnarmálaráðherrann.
Á sínum tíma stefndi Liam Fox að því að verða leiðtogi Íhaldsflokksins. Hann náði ekki marki sínu en komst þó nærri því. Hann er á hægri væng Íhaldsflokksins. Fyrir nokkrum vikum fagnaði hann 50 ára afmæli sínu og þá var tekin mynd af honum með Margaret Thatcher sér við hlið. Hann hefur setið á þingi síðan 1997 og verður að nýju óbreyttur en áhrifamikill þingmaður.
Heimild: BBC
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- Í pottinumEasy-Jet fækkar ferðum London-Moskva um helming
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumAðild að Evrópusambandinu jafngildir aðför að fæðuöryggi Íslendinga
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.