G-20 ríkin: Samkomulag um að efla AGS-fundurinn misheppnaðist segir Guardian
Fundi leiðtoga G-20 ríkjanna í Cannes lauk í gær með almennu samkomulagi um að efla AGS en án þess að gerð væri grein fyrir því með ítalegri hætti hvernig það yrði gert og hvernig leiðtogarnir ætli að leysa vandamál evrusvæðisins. Sumir fréttamenn halda því fram, að leiðtogunum hafi mistekizt að ná raunverulegu samkomulagi. Wall Street Journal segir að samkomulagið sé um það eitt að halda áfram að tala saman.
Brezka blaðið Guardian segir berum orðum að fundurinn hafi misheppnast. Obama hafi ekki verið tilbúinn til að skuldbinda Bandaríkin um aukin framlög til AGS vegna þrýstings frá Bandaríkjaþingi um að gera slíkt ekki á meðan allt væri í óvissu um hvernig færi á evrusvæðinu.
Hins vegar varð niðurstaða fundarins sú að setja Ítaliu undir eftirlit AGS, þótt ekki sé á þessu stigi rætt um lánveitingar til Ítalíu. Hins vegar segir Financial Times, að AGS hafi boðið Ítalíu lán á lágum vöxtum en Berlusconi hafi hafnað því. Ávöxtunarkrafan á ítölsk skuldabréf er enn mjög há, þótt Seðlabanki Evrópu sé að kaupa slík bréf á markaði.
Sarkozy sagði í lok fundarins: Við ætlum að verja Evrópu og evruna.
Markaðir féllu í gær. Dow Jones lækkaði um 0,51%, Nasdaq um 0,44%, London um 0,33%, Frankfurt um 2,72%, París um 2,25%.
Evruland er nýlenda Þýskalands
Nú þegar evran er að ná inn á á annan tuginn í vegferð sinni er margt að opinberast og raungerast með öðrum hætti en væntingar stóðu upphaflega til . Flest sem bendir nú til þess að hún muni ekki ná því að fylla tvo tugi og líði undir lok nú á næstu árum. Það dauðastríð mun ekki taka langa...
- Í pottinumNú þarf að moka flórinn, sem aðildarumsóknin skilur eftir
- ViðskiptavaktinLandbúnaðurinn hefur gagnsókn á hendur verzluninni
- LeiðariESB-viðræður stöðvaðar - hver leggur til að þeim verði fram haldið?
- StjórnmálavaktinSumarfríin verða að bíða til næsta árs!
- FréttValkostur fyrir Þýzkaland: Evran er ástæðan fyrir miklu atvinnuleysi í Evrópu
- FréttVerð á hlutabréfum lækkar á heimsvísu í kjölfar mikillar lækkunar í Japan
- Í pottinumHver verða viðbrögð fráfarandi stjórnarflokka?-Hafa þeir allt á hornum sér?
- FréttEvrópa: Efnamunur minnstur í Noregi og á Íslandi
- LeiðariTímamót
- FréttNý ríkisstjórn gerir hlé á aðildarviðræðum- nýjar viðræður ekki án þjóðaratkvæðagreiðslu
Evrópa: Efnamunur minnstur í Noregi og á Íslandi
Efnamunur er minnstur í Noregi og á Íslandi af Evrópulöndum að því er fram kemur á vefmiðli finnsku Yle fréttastofunnar. Mesti efnamunur er í Lettlandi og Búlgaríu. Efnamunur í Finnlandi er fyrir neðan evrópskt meðaltal. Árið 2010 voru hini efnameiri í Finnlandi með um 5,3 sinnum hærri tekjur en þeir efnaminnstu.
Verð á hlutabréfum lækkar á heimsvísu í kjölfar mikillar lækkunar í Japan
Verð á hlutabréfum hefur verið að lækka á alþjóðlegum mörkuðum í morgun í kjölfar umtalsverðrar lækkunar á Nikkei vísitölunni í Japan. Ástæðan er annars vegar minnkandi fjárstreymi frá Seðlabanka Japans og hinsvegar að hagvöxtur í Kína er að hægja á sér. Nikkei-vísitalan hefur hækkað um 80% á síðustu 6 mánuðum en lækkaði í nótt um 7,3%, sem er mesta lækkun á einum degi í tvö ár.
Valkostur fyrir Þýzkaland: Evran er ástæðan fyrir miklu atvinnuleysi í Evrópu
Bernd Lucke, leiðtogi hins nýja þýzka stjórnmálaflokks, Valkosts fyrir Þýzkaland, segir að evran sé meginástæðan fyrir því mikla atvinnuleysi, sem ríki í Evrópu og að riki á borð við Spán og Grikkland eigi að yfirgefa evruna til þess að ná tökum á efnahagsvanda sínum.
Stokkhólmur: Kveikt í bílum-íkveikjur í níu borgarhverfum-vandamál tengd innflytjendum
Í gærkvöldi og í morgun var kveikt í bílum í Stokkhólmi og ólæti breddust út til margra hverfa borgarinnar að því er fram kemur í Financial Times, sem segir að þetta hafi gerzt þrjá daga í röð. Lögreglan í Stokkhólmi hefur handtekið einhverja og segir stöðuna flókna vegna fjölda hverfa en bendir á, að staðan sé rólegri í Husby, hverfi, þar sem margi innflytjendur eru saman komnir.