Samningsmarkið í sjávarútvegsmálum: Liggja tilbúin í stjórnarráðinu og í Brussel - ekkert rætt við samningshóp eða þingmenn
Össur Skarphéðinsson utanríkisráðherra skýrði frá því á ríkjaráðstefnu með fulltrúum ESB í Brussel föstudaginn 22. júní að Íslendingar væru til þess búnir að leggja fram samningsmarkmið í sjávarútvegsmálum og hann iðaði í skinninu eftir því að fá að minnsta kosti að kynnast yfirborði sjávarútvegmálanna hjá ESB. Árni Þór Sigurðsson, formaður utanríkismálanefndar alþingis, segír í Morgunblaðinu mánudaginn 25. júní: „Stjórnvöld eru búin að vera að vinna að undirbúningi samningsmarkmiðanna í sjávarútvegsmálum og þeirri vinnu er í raun lokið. Málið hefur svo bara þann gang sem það á að fara.“
Af þessum orðum utanríkisráðherra í Brussel og formanns utanríkismálanefndar í Reykjavík verður ekki annað ráðið en þeir tveir hafi komið sér saman um samningsmarkmið Íslands í sjávarútvegsmálum. Þau hafa að sögn stjórnarandstöðunnar ekki verið kynnt í utanríkismálanefnd alþingis.
Skipulag viðræðna við ESB er á þann veg háttað að utanríkisráðuneytið hefur komið á fót samningshópum fyrir hvern málaflokk og skipað þar sérstakan formann. Kolbeinn Árnason, lögfræðingur og fyrrverandi starfsmaður sjávarútvegsráðuneytisins í Reykjavík og Brussel, er formaður hópsins, sem fjallar um sjávarútvegsmál. Hann kom síðast saman 12. desember 2011. Kolbeinn segir í Morgunblaðinu 25. júní í tilefni af ummælum Össurar í Brussel:
„Samningsmarkmiðin eru ekki tilbúin í þeim skilningi að ferlinu sem sett var upp í kringum það sé lokið. Það hefur farið fram mikil vinna í Stjórnarráðinu en það er ekki búið að ræða þetta í samningshópnum.“
Þessi orð koma heim og saman við það sem Árni Þór Sigurðsson segir, að samningsmarkmiðin séu fyrir hendi en formlegri afgreiðslu þeirra sé ekki lokið. Þau hafa ekki verið rædd í samningshópnum sjálfum.
Stefán Haukur Jóhannesson, formaður ESB-viðræðunefndar Íslands, hefur sagt að það sé hlutverk sitt og viðræðunefndarinnar að móta samningsafstöðu Íslands. Formaðurinn sat ríkjaráðstefnuna föstudaginn 22. júní með utanríkisráðherra. Ekki liggja fyrir upplýsingar um hvort samningsmarkmiðin í sjávarútvegsmálum hafa verið kynnt í viðræðunefndinni.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
- ViðskiptavaktinVerzlunin svarar Guðna
- Í pottinumHvert er hlutverk Samfylkingar?-Er hún á sömu leið og PASOK í Grikklandi?
- StjórnmálavaktinSvíþjóð: „Þetta er ekki skipulagður aðskilnaður en...“
- LeiðariFramkvæmastjórn ESB og feilspor Össurar
- FréttGrikkland: Flótti frá PASOK
- FréttRitað undir fríverslunarsamning Kína og Sviss
- FréttForseti Írlands: ESB endurspeglar ekki beztu hagsmuni fólksins í Evrópu
- Í pottinumEr ekki alveg öruggt að VG styður stefnu ríkisstjórnarinnar gagnvart ESB?
- FréttStokkhólmur: Ástandið að róast en samt kveikt í bílum í gærkvöldi
- LeiðariEkkert uppnám i Evrópu-Hvað veldur Össur?
Fyrrverandi menntamálaráðherra Grikklands, Anna Diamantopoulo, sem er úr PASOK, flokki sósíalista, sem stjórnaði Grikklandi í upphafi grísku kreppunnar, lýsti í gær yfir áformum um að stofna nýjan flokk. Hún sagði í viðtali við gríska ríkissjónvarpið að flokkur sósíalista væri kominn að leiðarlokum. "
Forseti Írlands: ESB endurspeglar ekki beztu hagsmuni fólksins í Evrópu
Michael D Higgins, forseti Írlands sagði í gær á alþjólegri ráðstefnu háskóla í Evrópu, sem haldin er í Háskóla Írlands (NUI Galway), að Evrópusambandið endurspegli ekki beztu hagsmuni fólksins í Evrópu. Hann gagnrýndi ESB fyrir að hafa of litla trú á vitsmunalegum hefðum (intellectual tradition) Evrópu.
Franskur dómstóll: Lagarde skal ekki hafa stöðu grunaðs manns
Franskur dómstóll hefur komist að þeirri niðurstöðu, að Christine Lagarde, forstjóri AGS og fyrrum fjármálaráðherra Frakklands skuli ekki hafa stöðu grunaðs manns í hneykslismáli, sem varðar 400 milljón evra mútugreiðslur til stuðningsmann Nicholas Sarkozy, fyrrum forseta Frakklands. Þetta kemur fram í Financial Times.
Stokkhólmur: Ástandið að róast en samt kveikt í bílum í gærkvöldi
Það var heldur rólegra ástand í úthverfum Stokkhólms í gærkvöldi, föstudagskvöld, lögreglan fékk liðstyrk frá Malmö og Gautaborg, sem virðist hafa dugað að verulegu leyti. Þó var kveikt í tveimur bílum. Og ríkisstjórnin hélt neyðarfund. Í Orebro í miðhluta Svíþjóðar kveiktu 25 grímuklædd ungmenni í þremur bílum, kveiktu í skóla og reyndu að bera eld að lögreglustöð.