Ríkisstjórn Kýpur tekur við formennsku innan ESB - sækir um neyðaraðstoð vegna efnahagsvanda
Ríkisstjórn Kýpur tók 1. júlí við formennsku í ráðherraráði ESB af Dönum og gegna henni til 1. janúar 2013 þegar Írar taka við keflinu. Fyrir tæpri viku fór ríkisstjórnin í Nikósíu fram á neyðarlán frá ESB. Kýpur varð aðili að ESB árið 2004 og það hefur ekki áður komið í hlut stjórnvalda þar að hafa pólitíska forystu innan ESB.
Í fréttatilkynningu ríkisstjórnar Kýpur segir að markmið hennar sé að bæta ESB og að það skipti íbúa þess og heiminn alla meiru, Stjórnin segist ætla að stuðla að betri stjórnsýslu, sjálfbærni, efnahagslegum umbótum, samstöðu. félagslegri samheldni og bættum alþjóðlegum samskiptum.
Lengi var deilt um hvort Kýpur væri hæft til aðildar að ESB vegna langvinnrar deilu stjórnarinnar þar við Tyrki en tyrkneskur minnihluti býr einangraður á norðurhluta eyjunnar. ESB lítur á þennan einn þriðja hluta eyjunnar sem hernuminn en þar eru um 40.000 tyrkneskir hermenn. Tyrkir lögðu norðurhlutann undir sig árið 1974, skömmu eftir að bylting leiddi til verulegrar breytingar á stjórn Kýpur.
Tyrknesk stjórnvöld kalla þetta yfirráðasvæði Tyrkneska lýðveldi Norður-Kýpur en það nýtur ekki viðurkenningar ESB. Ríkisstjórn Tyrklands viðurkennir ekki heldur ríkisstjórnina í Nikósíu.
Tyrkir hafa sótt um aðild að ESB. Þeir segjast ekki ræða beint við ráðherraráð ESB undir forsæti Kýpur, þeir ætla sér samt að halda eðlilegum samskiptum að öðru leyti við ESB.
Sama dag og sendinefnd Kýpur, mánudaginn 2. júlí, kynnir sex mánaða stefnu sína í Brussel kemur sendinefnd frá ESB, Seðlabanka Evrópu og Alþjóðagjaldeyrissjóðsins til Nikósíu til að kynna sér stöðu efnahags- og ríkisfjármála vegna beiðni ríkisstjórnarinnar um neyðaraðstoð vegna stöðu ríkissjóðs. Sendinefnd þríeykisins á að leggja mat á fjárþörfina sem fjölmiðlar segi að sé um 10 milljarðar evra.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
- FréttBretland: Æðstu stjórnendur banka eiga yfir höfði sér fangelsisdóma og tekjumissi skv. tillögum bankanefndar
- Í pottinumRétt ákvörðun menntamálaráðherra í málefnum RÚV
- ViðskiptavaktinBretland: Ítarlegar tillögur um breytta bankalöggjöf liggja fyrir brezka þinginu
- LeiðariGagnsæi í utanríkismálum
- Í pottinumVar Steingrímur J. samvinnuþýðari við Maríu?
- FréttForseti Kýpur fer fram á allsherjar endurskoðun björgunaraðgerða
- StjórnmálavaktinÞað þarf að gera úttekt á viðhorfum annarra þjóða til Íslands í hruninu 2008 - og síðan
- FréttEinar K. Guðfinnsson, forseti alþingis, ræðir stöðu Íslendinga í samfélagi þjóðanna í hátíðarræðu
- FréttNSA og FBI hafa hindrað rúmlega 50 tilraunir til hryðjuverka síðan 11. september 2001
- FréttViðskiptaviðræður ESB og BNA: Harka hlaupin í deilur milli Barrosos og Hollandes vegna fyrirvara um menningarmál
Grikkland: Leiðtogar stjórnarflokka funda síðdegis um ERT
Leiðtogar stjórnarflokkanna þriggja á Grikklandi koma saman til fundar síðdegis í dag til þess að reyna að ná samkomulagi um örlög og framtíð gríska ríkisútvarpsins-sjónvarps. Samkvæmt úrskurði stjórnlagadómstóls Grikklands sl. mánudag hafði ríkisstjórnin leyfi til að loka ERT en ekki að slökkva á útsendingu. Stjórnarflokkarnir hver um sig túlka þessa niðurstöðu eins og þeim hentar.
NSA og FBI hafa hindrað rúmlega 50 tilraunir til hryðjuverka síðan 11. september 2001
Þjóðaröryggisstofnun Bandaríkjanna (NSA) og Alríkislögregla Bandaríkjanna (FBI) hafa að eigin sögn komið í veg fyrir að minnsta kosti 50 tilraunir til hryðjuverka frá 11. september 2011. Google-fyrirtækið hefur óskað eftir að fá að birta hvernig þátttöku þess í verkefnum gegn hryðjuverkum hefur veri...
Forseti Kýpur fer fram á allsherjar endurskoðun björgunaraðgerða
Nikos Anastasiades, forseti Kýpur hefur skrifað leiðtogum evrusvæðisins bréf og farið fram á allsherjar endurskoðun á þeim skilmálum, sem Kýpur tók á sig vegna björgunarláns að upphæð 10 milljarðar evra. Í bréfinu segir forsetinn að Kýpur geti ekki uppfyllt þessa skilmála vegna þess að aðgerðirnar hafi skaðað efnahag landsins og bankakerfið meira en búizt var við.
Nefnd, sem fjallar um nýtt regluverk fyrir banka í kjölfar fjármálakreppunnar og starfar í tengslum við brezka þingið leggur til að æðstu stjórnendur banka skuli eiga yfir höfði sér fangelsisdóma og missi milljóna punda í bónusgreiðslum ef þeir eigi þátt í falli banka í framtíðinni. Nefndin er þverpólitísk og í henni sitja bæði þingmenn og aðrir.