Standard Chartered íhugar málsókn gegn eftirlitsaðila vegna álitshnekkis

Standard Chartered, brezki bankinn, sem á yfir höf'ði sér að missa bankaleyfi í Bandaríkjunum vegna viðskipta við Íran, kannar nú möguleika á að hefja málsókn á hendur þeim bandariska eftirlitsaðila, sem hefur sakað bankann um að vera „svindlstofnun“. Lögfræðilegir ráðgjafar bankans telja að það geti verið grundvöllur fyrir skaðabótakröfu vegna álitshnekkis. Þetta kemur fram í Financial Times, en blaðið segir einnig að forráðamenn bankans geri sér ljóst að það geti verið viðkvæmt mál að hefja málsókn gegn fjármálaeftirliti. Um er að ræða fjármálaeftirlit New York ríkis. Hlutabréf i bankanum eru nú 18% lægri í verði en þau voru áður en þessar ásakanir komu fram.

Framtak fjármálaeftirlits New York ríkis er ekki óumdeilt í Bandaríkjunum. Dómsmálaráðuneytið, Seðlabanki Bandaríkjanna, FBI,fjármálaráðuneytið og saksóknari á Manhattan eru allt aðilar, sem hafa verið með Standard Chartered í rannsókn í tvö ár.

Sir Mervyn King, bankastjóri Englandsbanka segir að brezk stjórnvöld fari fram á að eftirlitsaðilar starfi saman og spari sér opinberar yfirlýsingar þar til rannsóknum sé lokið.

Þá kemur fram í FT að fyrir nokkrum mánuðum hafi brezki bankinn boðið fram 5 milljón dollara sektargreiðslu vegn þeirra 14 milljóna dollara tilfærslna, sem bankinn viðurkennir að séu brot á bandarískum lögum og reglum. Heimildir FT herma, að hugmyndir fjármálaeftirlits New York ríkis snúist um 500 milljón dollara sektir.

Í júní greiddi annar banki ING 619 milljón dollara í sektir vegna viðskipta við Íran.