Spiegel: Merkel hefur ekkert svigrúm til velvilja gagnvart Grikklandi
Þýzka tímaritið Der Spiegel segir að Angela Merkel, kanslari, hafi lítið sem ekkert pólitískt svigrúm til að sýna Antonis Samaras, forsætisráðherra Grikklands velvilja, þegar hann komi í heimsókn til Berlínar í næstu viku. Þolinmæðin gagnvart Grikkjum sé þrotin innan stjórnarflokkanna, Kristilegra demókrata, systurflokksins í Bæjaralandi, CSU, og hjá Frjálsum demókrötum. Frekari eftirgjöf gagnvart Grikkjum geti þýtt uppreisn gegn Merkel.
Heimildarmenn Spiegel, sem tímaritið segir standa nálægt Volker Kauder, formanni þingflokks Kristilegra demókrata í Bundestag segja að þeir hafi ekki trú á því að Merkel gæti náð saman meirihluta í þinginu fyrir þriðju neyðaraðstoðina við Grikki. Þetta viti kanslarinn og þess vegna ólíklegt að hún taki nokkra áhættu.
Þá segir tímaritið að fáir trúi því að skýrsla þríeykisins um Grikkland, sem verður birt í september verði jákvæð. Það ásamt vaxandi efasemdum innan þýzka stjórnkerfisins bendi til þess að gjaldþrot Grikklands nálgist óðum.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
- Í pottinumRétt ákvörðun menntamálaráðherra í málefnum RÚV
- FréttÁstralía: Fékk höfuðhögg tók að tala ensku með frönskum hreim
- LeiðariGagnsæi í utanríkismálum
- Í pottinumVar Steingrímur J. samvinnuþýðari við Maríu?
- FréttBretland: Æðstu stjórnendur banka eiga yfir höfði sér fangelsisdóma og tekjumissi skv. tillögum bankanefndar
- FréttNSA og FBI hafa hindrað rúmlega 50 tilraunir til hryðjuverka síðan 11. september 2001
- StjórnmálavaktinÞað þarf að gera úttekt á viðhorfum annarra þjóða til Íslands í hruninu 2008 - og síðan
- FréttGrikkland: Leiðtogar stjórnarflokka funda síðdegis um ERT
- FréttForseti Kýpur fer fram á allsherjar endurskoðun björgunaraðgerða
- LeiðariÞjóðhátíðarræðan og ESB
Ástralía: Fékk höfuðhögg tók að tala ensku með frönskum hreim
Áströlsk kona tók að tala ensku með frönskum hreim eftir að hún vaknaði eftir umferðarslys þar sem hún hlaut höfuðhögg. Um er að ræða sjaldgæft heilkenni sem um 60 manns hafa greinst með á 100 árum segir í blaðinu Le Figaro. Leanne Rowe hefur aldrei farið til Frakklands og á enga franska vini.
Grikkland: Leiðtogar stjórnarflokka funda síðdegis um ERT
Leiðtogar stjórnarflokkanna þriggja á Grikklandi koma saman til fundar síðdegis í dag til þess að reyna að ná samkomulagi um örlög og framtíð gríska ríkisútvarpsins-sjónvarps. Samkvæmt úrskurði stjórnlagadómstóls Grikklands sl. mánudag hafði ríkisstjórnin leyfi til að loka ERT en ekki að slökkva á útsendingu. Stjórnarflokkarnir hver um sig túlka þessa niðurstöðu eins og þeim hentar.
NSA og FBI hafa hindrað rúmlega 50 tilraunir til hryðjuverka síðan 11. september 2001
Þjóðaröryggisstofnun Bandaríkjanna (NSA) og Alríkislögregla Bandaríkjanna (FBI) hafa að eigin sögn komið í veg fyrir að minnsta kosti 50 tilraunir til hryðjuverka frá 11. september 2011. Google-fyrirtækið hefur óskað eftir að fá að birta hvernig þátttöku þess í verkefnum gegn hryðjuverkum hefur veri...
Forseti Kýpur fer fram á allsherjar endurskoðun björgunaraðgerða
Nikos Anastasiades, forseti Kýpur hefur skrifað leiðtogum evrusvæðisins bréf og farið fram á allsherjar endurskoðun á þeim skilmálum, sem Kýpur tók á sig vegna björgunarláns að upphæð 10 milljarðar evra. Í bréfinu segir forsetinn að Kýpur geti ekki uppfyllt þessa skilmála vegna þess að aðgerðirnar hafi skaðað efnahag landsins og bankakerfið meira en búizt var við.