Róm: Þjófar stálu helgum dómi tengdum Jóhannesi Páli II. - fleygðu honum í limgerði

Ítalska lögreglan hefur fundið smáglas með blódropa úr Jóhannesi Páll II. páfa í limgerði við Marina de Cerverteri járnbrautastöðina fyrir norðvestan Róm. Þjófar höfðu stolið bakpoka séra Agustos Baldinis í lest og síðan yfirgefið hana á undan honum.

Þarna hefur blóðdropi úr Jóhannesi Páli II verður settur inn í bókaropnu og er hann geymdur þannig sem heldur dómnur

Blóðdropann sem presturinn var á leið með frá Róm átti að sýna sem helgan dóm í bænum Allumiere um 74 km frá Róm. Presturinn geymdi hin heilaga dropa í bakpoka sínum . Hann tók fyrst eftir hvarfi pokans þegar hann fór úr lestinni. Mundi hann þá eftir þremur mönnum sem höfðu dreift athygli hans með spurningum áður en þeir fóru úr lestinni á næstu stöð á undan honum.

„Ég mátti þola fimm kvalarstundir. Lögreglan sýndi mikið snarræði,“ sagði Baldini við ítölsku Ansa-fréttastofuna. „Blóðið í smáglasinu var sett þar eftir morðtilraunina gegn Wojtyla páfa [hið raunverulega nafn Jóhannesar Páls II. var Karol Wojtyla] hinn 13. maí 1981,“ sagði Baldini. „Lögregluþjónarnir afhentu mér það og frá og með [miðvikudegi] verður hinn helgi dómur til sýnis í Allumiere til minningar um að 25 ár eru liðin frá heimsókn Jóhannesar Páls þangað.“

Lögreglan sagði að þjófarnir hefðu losað sig við smáglasið sem var fest inn í bók og kastað bókinni í limgerðið. Lögregla hefur ekki fundið bakpokann. Óljóst er hvort þjófarnir hafi ætlað að fela hinn helga dóm og sækja hann síðar eða hvort þeir áttuðu sig ekki á hve dýrmætan hlut þeir voru með í höndunum.

Jóhannes Páll II. andaðist eftir langvinn veikindi í aðríl 2005. Hann var tekinn í tölu blessaðra innan katólsku kirkjunnar í maí 2012. Þar með hefur hann lokið þremur skrefum katólsku kikrjunnar af fjórum til að komast í dýrðlingatölu.

Í Karmelklaustrinu í Hafnarfirði er dropi af blóði Jóhannesar Páls II. varðveittur sem helgur dómur.