Atvinnuleysi innan ESB í fyrsta sinn yfir 26 milljónir manna - 57% yngri en 25 ára atvinnulausir á Spáni og Grikklandi
Atvinnuleysi innan ESB og sérstaklega í evru-löndunum heldur áfram að vaxa. Tölur sem hagstofa ESB, Eurostat, birti þriðjudaginn 8. janúar sýna að alls reyndust 11,8% án atvinnu í nóvember á evru-svæðinu en voru 11,7% í október. Nú eru tæplega 19 milljónir manna atvinnulausir í evru-löndunum 17. Bilið milli þjóða í norður- og suðurhluta ESB breikkar í efnahagslegu tilliti.
Atvinnuleysi á evru-svæðinu þar sem búa um 330 milljónir manna eykst nú í 19. skiptið í röð og í nóvember 2012 voru 2 milljónum fleiri án atvinnu á svæðinu en í nóvember 2011. Sérfræðingar spá rúmlega 12% atvinnuleysi á árinu 2013.
Innan ESB í heild, í 27 ríkjum, fór tala atvinnulausra í fyrsta sinn yfir 26 milljónir manna í nóvember en hlutfallið hélst hið sama og áður, 10,7%.
Mest er atvinnuleysið á Spáni 26,6% og 57% meðal þeirra sem eru yngri en 25 ára, þessi tala er svipuð á Grikklandi en þar er heildaratvinnuleysi aðeins minna en á Spáni
Eurostat birtir tölur til samanburðar um atvinnuleysi meðal helstu samkeppnisþjóða ESB. Í nóvember var það 7,8% í Bandaríkjunum og 4,1% í Japan.
Laszlo Andor í framkvæmdastjórn ESB þar sem hann fer með atvinnumál, félagsmál og samheldnismál sagði þegar tölurnar höfðu verið birtar: „2012 hefur verið enn eitt mjög slæmt ár fyrir Evrópu þegar litið er til atvinnuleysis og versnandi stöðu félagsmála.“
Hann vék að bilinu milli þjóða í norður- og suðurhluta ESB, Þjóðverjar og nágrannaþjóðir þeirra hefðu það mun betra en þjóðir í suðurhlutanum og við Miðjarðarhaf. Andor taldi litlar líkur á að betur áraði í efnahags- og félagsmálum ESB á árinu 2013. „Bilið er að aukast,“ sagði Andor um stöðuna milli norðurs og suðurs.
Nú mæla hagvísar okkur það að atvinnuleysi fari vaxandi og jafnframt að verðbólgan færist í aukana. Það er rétt að atvinnuleysið er að aukast og er það í takt við aðra hagvísa um minnkandi einkaneyslu, slaka í fjárfestingum og fleira. Það er hinsvegar rangt að verðbólgan sé að vaxa.
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumEasy-Jet fækkar ferðum London-Moskva um helming
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.