Ber fyrir sig ákvæði í lánasamningum um „sérstakar aðstæður“
Írskur banki, Bank of Ireland, hefur ákveðið að nær tvöfalda vexti af fasteignalánum, að því er fram kemur í Financial Times. Bankinn gerir þetta í krafti ákvæðis í lánasamningi, sem kveður á um, að hann geti hækkað vextina við „sérstakar aðstæður“ (special conditions). Þessi hækkun snertir 13500 skuldara hjá bankanum og dótturfyrirtæki hans, Bristol&West. Á sumum lánategundum hækka vextir úr 2,25% í 4,99% en á öðrum lánum úr 2,49% í 2,99% 1. maí og í 4,49% 1. október n.k.
Rök bankans eru þau að veruleg hækkun hafi orðið á kostnaði við fjármögnun þessara lána frá 2008 og að bankinn þurfi að styrkja eiginfjárstöðu sína. Bankinn segist hafa haft samband við alla viðskiptavini, sem þessi hækkun snertir. Fyrir ári tilkynnti bankinn hækkun á kostnaði við fasteignalán hjá um 100 þúsund viðskiptavinum.
Nú mæla hagvísar okkur það að atvinnuleysi fari vaxandi og jafnframt að verðbólgan færist í aukana. Það er rétt að atvinnuleysið er að aukast og er það í takt við aðra hagvísa um minnkandi einkaneyslu, slaka í fjárfestingum og fleira. Það er hinsvegar rangt að verðbólgan sé að vaxa.
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.