Der Spiegel: Juncker varar við stríði í Evrópu - djöflarnir hafi ekki farið heldur aðeins sofnað
Jean-Claude Juncker, forsætisráðherra Lúxemborgar og fyrrverandi formaður evru-ráðherrahópsins, er ómyrkur í máli í samtali við þýska vikublaðið Der Spiegel sem kemur út mánudaginn 11. mars. Hann telur að ástandið í Evrópu kunni að leiða til vopnaðra átaka. „Sá sem trúir því að aldrei framar sé ástæða til að velta fyrir sér eilífðar spurningunni um stríð og frið kann að hafa hrikalega rangt fyrir sér.“
Í útdrætti úr viðtalinu sem Der Spiegel birti á vefsíðu sinni sunnudaginn 10. mars segir Juncker að hann muni leggja Angelu Merkel Þýskalandskanslara lið í kosningabaráttunni um sæti á þýska sambandsþinginu, kosið verður til þess í september 2013. „Ég hef þegar verið beðinn um liðsinni og ég hef svarað beiðninni játandi. Ég lít á tengsl mín við kanslarann og CDU-flokkinn sem mjög náin.“
Þegar Juncker var spurður um framtíð myntsamstarfsins um evruna sagði hann að hafa bæri í huga að deilur í Evrópu gætu orðið mjög harðar. „Sá sem trúir því að aldrei framar sé ástæða til að velta fyrir sér eilífðar spurningunni um stríð og frið kann að hafa hrikalega rangt fyrir sér. Djöflarnir eru ekki farnir á bak og burt, þeir eru bara sofandi.“
Hann sér mikil líkindi með því sem gerðist árið 1913 þegar margir töldu að aldrei framar yrði stríð í Evrópu. „Mér finnst sláandi hve aðstaðan í Evrópu árið 2013 er áþekk því sem var fyrir 100 árum.“ Fyrstu merkin sér Juncker í kosningabaráttunni í Grikklandi og á Ítalíu. „Allt í einu varð áberandi reiði sem maður hélt að hefði horfið fyrir fullt og allt.“
Juncker segir í samtalinu við Der Spiegel að hann sækist ekki eftir að verða eftirmaður Hermans Van Rompuys sem forseti leiðtogaráðs ESB. Juncker sóttist eftir embættinu árið 2009 þega Van Rompuy var valinn til þess. Hann segir að framboð sitt hafi ekki notið nægilegs stuðnings, til dæmis hafi hvorki Nicolas Sarkozy, þáv. Frakklandsforseti, né Angela Merkel stutt sig. Hann segist ekki ætla að sækjast eftir einhverju nú sem hann hafi ætlað að fá 2009 en ekki fengið. „Mér finnst það ærlega sagt heldur aulalegt,“ segir Jean-Claude Juncker við Der Spiegel.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- Í pottinumEasy-Jet fækkar ferðum London-Moskva um helming
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumAðild að Evrópusambandinu jafngildir aðför að fæðuöryggi Íslendinga
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.