Tékkland:Ríkisstjórnin riðar til falls vegna áskana um spillingu á æðstu stöðum
Ríkisstjórn Tékklands riðar til falls vegna hneykslis sem tengist helsta aðstoðarmanni forsætisráðherrans, Petrs Necas. Ríkisstjórnin er minnihlutastjórn mið-hægrimanna og segja fulltrúar samstarfsflokka forsætisráðherrans að þeir íhugi hvort þeir eigi að starfa áfram með honum.
Milos Zemen, vinstrisinnaður forseti Tékklands og keppinautur Necas, sagði laugardaginn 15. júní að það virtist „nokkuð ljóst“ að forsætisráðherrann yrði að segja af sér. Jafnaðarmenn hafa lagt fram vantrauststillögu sem verður væntanlega tekin til umræðu þriðjudaginn 18. júní.
Dómstóll í bænum Ostrava í austurhliuta Tékklands dæmi Janu Nagyova, skrifstofustjóra forsætisráðherrans, í gæsluvarðhald föstudaginn 14. júní vegna ásakana um „valdníðslu og mútur“.
Alls voru sjö manns, þar á meðal yfirmenn njósnadeildar hersins og fyrrverandi þingmenn sakaðir um spillingu auk annarra brota.
Smáflokkar í stjórn Necas hafa lýst efasemdum um hæfni hans til að gegna embætti sínu. Hann ætlar að hitta fulltrúa flokkanna sunnudaginn 16. júní þegar hann snýr til Tékklands úr heimsókn til Póllands,
Nagyova (48 ára) er sökuð um að hafa mútað stjórnmálamönnum og gefið leyniþjónustumönnum fyrirmæli um að njósna um fólk sem snertu hana persónulega, þar á meðal var eiginkona Necas, Radka.
Hneykslismálið varð á allra vitorði aðfaranótt fimmtudags 13. júní þegar 400 lögreglumenn gerðu húsleit á 31 stað, þar á meðal í forsætisráðuneytinu, varnarmálaráðuneytinu, einkahúsum og banka. Yfirvöld lögðu hald á 4,5 milljónir evra í reiðufé og tíu kíló af gulli.
Milos Zeman forseti sagði:
„Ég tel ásakanirnar sem hafa verið kynntar mjög alvarlegar. Eftir að hafa rætt málið við lögreglustjóranna og ríkissaksóknarann tel ég að þær styðjist við nægileg sönnunargögn.“
Í yfirlýsingu frá forsætisráðuneytinu sagði að Nagyova gæti ekki lengur sinnt starfi sínu en Necas hefði ekki haft neina vitneskju um neitt af því sem henni væri borið á brýn. Var sagt að sumt af því væri „vitleysa“.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- Í pottinumEasy-Jet fækkar ferðum London-Moskva um helming
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinAlexis Tsipras: Ekki búast við skilyrðislausri uppgjöf
- Í pottinumAðild að Evrópusambandinu jafngildir aðför að fæðuöryggi Íslendinga
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.