Hróp gerð að leikstjóra Hrings Wagners að lokinni frumsýningu í Bayreuth - leikstjórinn hæðist að áhorfendum
Frank Castorf, leikstjóri sem færði upp Hring Niflungans eftir Richard Wagner á Bayreuth-Wagnerhátíðinni í ár, gerði lítið úr áhorfendum þegar þeir bauluðu á hann í lok sýningar á Götterdämmerung (Ragnarökum) lokaóperu Hringsins að kvöldi miðvikudags 31. júlí.
Sýningin á Ragnarökum tekur um sex og hálfa klukkustund og er hún lengst af óperunum fjórum sem mynda Hringinn, alls tekur flutningur þeirra rúmar 15 klukkustundir. Þegar Castorf gekk fram á sviðið að lokinni frumsýningunni gerðu um 2.000 áhorfendur hróp að honum og létu óspart í ljós óánægju sína.
Í fyrstu stóðu Castorf (61 árs) og samstarfsmenn hans við uppfærsluna hreyfingarlausir á sviðinu en síðan tók Castorf að benda á áhorfendur og setti síðan fingurinn ögrandi að eigin höfði til að gefa til kynna hve vitlausir gagnrýnendur sínir væru.
Festspielhaus í Bayreuth var byggt á sínum tíma að forsögn Richards Wagners sem umgjörð um verk hans. Hringurinn, Rínargullið, Valkyrjan, Sigfried og Ragnarök, er sýndur í nýrri uppfærslu þar á nokkurra ára fresti. Venja er að í lok uppfærslu verksins í heild stigi höfundur hennar fram á sviðið með samstarfsmönnum sínum.
Að þessu sinni létu áhorfendur ekki aðeins í ljós óánægju með leikstjórann heldur einnig Lance Ryan, kanadíska tenórinn, sem syngur hetjuna Siegfried, og Attila Juan, kórenskan bassa, sem syngur illmennið Hagen.
Bresku sópransöngkonunni Catherine Foster sem nú kom fyrst fram í Bayreuth og var í hlutverki Brynhildar var tekið með kostum og kynjum.
Söngvararnir féllu þó allir í skuggann fyrir rússneska hljómsveitarstjóranum Kirill Petrenko sem kom einnig fram í fyrsta sinn í Festspielhaus sem stjórnandi hljómsveitarinnar í Hringnum. Þakið ætlaði að rifna af húsinu þegar áhorfendur fögnuðu honum.
Upphaflega var ráðgert að Wim Wenders, hinn frægi þýski kvikmyndaleikstjóri, færði Hringinn upp í ár á 200 ára afmæli Wagners. Hann sagði sig hins vegar frá verkinu fyrir tveimur árum og þá var Castorf fenginn til þess. Í þýskum blöðum er sagt að í uppfærslunni hefði mátt sjá hraða takta eins og í kvikmynd eftir Quentin Tarantino.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- Í pottinumEasy-Jet fækkar ferðum London-Moskva um helming
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinAlexis Tsipras: Ekki búast við skilyrðislausri uppgjöf
- Í pottinumAðild að Evrópusambandinu jafngildir aðför að fæðuöryggi Íslendinga
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.