Frakkland: Forsætisráðherrann segir að beita verði hervaldi gegn stjórnvöldum Sýrlands - Frakklandsforseti safnar liði
Jean-Marc Ayrault, forsætisráðherra Frakklands, sagði franska þinginu miðvikudaginn 4. september að fyrir því væru fullgild rök að beita hervaldi gegn stjórnvöldum í Sýrlandi. Franska stjórnarandstaðan í UMP-flokknum er andvíg hernaði í Sýrlandi veiti öryggisráð Sameinuðu þjóðanna (SÞ) ekki umboð til hans.
Fyrir tveimur dögum lagði franska leyniþjónustan fram „sannanir“ fyrir því að ríkisstjórn Bashars al-Assads Sýrlandsforseta hefði beitt efnavopnum 21. ágúst sl. Ayrault sagði að þessi gögn væru reist á „fullvissu“: „Ríkisstjórn Sýrlands ber alla ábyrgð,“ sagði ráðherrann. Hann sagði síðan hið sama og François Hollande Frakklandsforseti sagði þriðjudaginn 3. september þegar hann færði rök fyrir hernaði að skylda og heiður Frakklands væri í húfi að snúast gegn þeim sem beittu efnavopnunum.
Ayrault vakti máls á hættunni sem það mundi skapa á alþjóðavettvangi að grípa ekki til refsiaðgerða núna. „Hvaða skilaboð sendi það til annarra ríkisstjórna, ég bendi á Íran og Norður-Kóreu?“ spurði forsætisráðherrann. Hann sagði að ekki vekti fyrir stjórn Frakklands að senda landhermenn til Sýrlands. Vissulega vildi stjórnin að Assad færi frá völdum en það yrði ekki beitt frönsku hervaldi til að hrekja hann af forsetastóli.
Christian Jacob, þingflokksformaður UMP, áréttaði andstöðu sína við íhlutun án umboðs frá SÞ og minnti á afstöðu Jacques Chiracs Frakklandsforseta gegn Íraksinnrásinni árið 2002. Jean-Louis Borloo, leiðtogi miðjumanna, sagði að kalla ætti allsherjarþing SÞ saman til að taka afstöðu til málsins og Frakkar ættu ekki að gera neitt án stuðnings þess og Arababandalagsins.
Forsætisráðherrann sagði að Frakkar mundu taka höndum saman með „öðrum samstarfsaðilum“. Þegar hann var spurður með hverjum svaraði hann að François Hollande ynni að því að „mynda eins stóran hóp og hann gæti“.
Laurent Fabius, utanríkisráðherra Frakka, kynnti öldungadeild þingsins sjónarmið ríkisstjórnarinnar í Sýrlandsmálinu á sama tíma og forsætisráðherrann ræddi við fulltrúadeildina.
Christian Jacob frá UMP gagnrýndi að franska ríkisstjórnin hefði einangrað Frakkland innan ESB, stjórnin hefði leitt þjóðina í pólitískt og hernaðarlegt öngstræti. Hún hefði þvert á móti átt að vinna að samstöðu með öðrum þjóðum.
Stjórnarandstaðan hefur þrýst á François Hollande með kröfu um að franska þingið taki afstöðu til hernaðaraðgerða með atkvæðagreiðslu þótt forsetinn þarfnist ekki samþykkis þingsins. Jean-Marc Ayrault sagði að ekki yrðu greidd atkvæði að loknum umræðunum miðvikudaginn 4. september en útilokaði ekki að til atkvæðagreiðslu kæmi síðar.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumEasy-Jet fækkar ferðum London-Moskva um helming
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.