Danmörk: Lars Løkke Rasmussen fellur á trúverðugleikaprófi
Greiningarfyrirtækið Wilke í Danmörku hefur gert könnun fyrir Jyllands-Posten á trúverðugleika stjórnmálaforingja. Hann er mældur á kvarðanum 1 til 10. Nú mælist Lars Løkke Rasmussen, formaður Venstre, á botninum með einkunnina 3,57 næst fyrir ofan hann er Helle Thorning-Schmidt, forsætisráðherra og formaður Jafnaðarmannaflokksins, með einkunnina 4,59.
Lars Løkke Rasmussen hefur lækkað í áliti vegna svokallaðs GGGI-máls, það er ferðalaga hans á besta farrými til fjarlægra heimshluta á kostnað umhverfisverndarsamtaka. Hann efndi á dögunum til fjögurra tíma langs blaðamannafundar án þess að geta rétt hlut sinn.
Christine Cordsen, aðalþingfréttaritari Jyllands-Posten, segir sunnudaginn 17. nóvember að menn efist nú um pólitíska og siðferðilega dómgreind formanns Venstre og það sé mjög alvarlegur dómur fyrir mann sem berjist fyrir að verða forsætisráðherra.
Hún bendir einnig á að góð staða Venstre og Lars Løkkes Rasmussens í skoðanakönnunum undanfarin tvö ár hafi ekki aðeins snúist um traust á flokknum og formanninum heldur einnig um ósk almennings eftir að hann taki við stjórnarforystu en Helle Thorning-Schmidt. Þess vegna verði að hafa í huga að óskin um Løkke sem kost í stað annars verri sé ekki reist á mikilli hollustu við hann. Nú glími Løkke við trúnaðarbrest gagnvart kjósendum og hann eigi mjög erfitt endurreisnarstarf fyrir höndum.
Christine Cordsen segir að ekki sé nein ástæða fyrir Helle Thorning-Schmidt til að fagna. Hún sé að vísu fyrir ofan Løkke en á svipuðu róli og flokksformenn í vanda eins og Lars Barfoed í Íhaldsflokknum og Annette Vilhelmsen í Sósíalíska þjóðarflokknum (SF),
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- Í pottinumEasy-Jet fækkar ferðum London-Moskva um helming
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.