Norðurslóðir: Bandaríska varnarmálaráðuneytið kynnir stefnu sína í átta liðum - vill efla Norðurskautsráðið
Varnarmálaráðuneyti Bandaríkjanna birti föstudaginn 22. nóvember norðurslóðastefnu sína í átta liðum. Með henni útfærir ráðuneytið stefnu sem bandaríska forsetaembættið sendi frá sér í maí 2013 um markmið Bandaríkjanna á norðurskautsvæðinu. Í stefnu ráðuneytisins er lögð áhersla á samstarf við aðrar þjóðir og einstaka hópa eða þjóðarbrot sem búa á norðurslóðum.
Chuck Hagel, varnarmálaráðherra Bandaríkjanna, kynnti stefnu ráðuneytis síns í ræðu sem hann flutti föstudaginn 22. nóvember á ráðstefnunni Halifax National Security Forum í Kanada. Ráðherrann sagði að bráðnun íss í Norður-Íshafi skapaði bæði ný tækifæri og beindi athygli að nýjum hættum sem bandarísk yfirvöld yrðu að sinna.
Ráðherrann sagði að búist væri vil að siglingar um Norðurleiðina (fyrir norðan Rússland) mundi 10 faldast á árinu 2013 miðað við árið 2012. Ferðamönnum mundi fjölga og hætta á slysum aukast. Fiskgegnd mundi einnig leiða sjómenn á norðlægari slóðir en áður. Þá væri einnig vaxandi áhugi á að nýta sér það sem „talið er nema fjórðungi af olíu og gasi sem enn hefur ekki verið fundið á jörðinni“.
Í stefnu varnarmálaráðuneytisins er hvatt til rannsókna og kortagerðar í samvinnu við aðra, þá verði að smíða skip sem geti athafnað sig á norðurlóðum og bæta tækjakost bandaríska hersins í sama skyni.
Þá er hvatt til þess að Bandaríkjamenn og allar norðurslóðaþjóðir skapi hæfilegt jafnvægi milli gæslu fullveldis síns og viðleitni til jafnvægis við mótun og framkvæmd norðurslóðastefnu sinnar.
Ráðherrann sagði að ráðuneyti sitt mundi vinna að því að efla Norðurskautsráðið og stuðla að annarri svæðisbundinni samvinnu. Það mundi starfa náið með bandaríska utanríkisráðuneytinu í nýjum verkefnum eins og Arctic Security Forces Roundtable og nýlegum fundum yfirmanna herafla á norðurslóðum. Samstarf af þessu tagi mundi efla fjölþjóðlega samvinnu á svæðinu og þar með einnig draga úr hættu á árekstrum.
Ráðherrann sagði að stefna ráðuneytis síns mótaðist af viðleitni til að stíga eitt skref í einu á löngum tíma en ekki skyndilausnum á skömmum tíma
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- Í pottinumEasy-Jet fækkar ferðum London-Moskva um helming
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.