Misvísandi fréttir um hótanir rússneska hersins í garð Úkraínumanna
Forseti þings Rússlands segir að eins og mál standa sé „ekki nauðsynlegt“ að hefja hernaðaraðgerð í Úkraínu. Hann lét þessi orð falla mánudaginn 3. mars þegar yfirmaður Svartahafsflota Rússlands neitaði að hafa sett Úkraínumönnum úrslitakosti og krafist uppgjafar þeirra. Sergei Narjskín þingforseti sagði Rússa hafa „rétt“ til að grípa til vopna gegn Úkraínu en það væri ónauðsynlegt á þessu stigi.
Narjskín lét þessi orð falla rétt eftir að rússneska fréttastofan Interfax birti tilkynningu þar sem sagði að tilkynning hefði borist frá Svartahafsflota Rússa um úrslitakosti gagnvart her Úkraínu á Krímskaga, hann hefði til klukkan 5 að morgni þriðjudags 4. mars til uppgjafar (03.00 að ísl. tíma).
Bandarískar heimildir herma að rússneskur herafli hafi nú Krím á valdi sínu í krafti rúmlega 6.000 hermanna á skaganum við Svartahaf. Rússneskir hermenn umkringdu nokkrar herstöðvar Úkraínu á skaganum sunnudaginn 2. mars, daginn eftir að efri deild rússneska þingsins heimilaði Vladimír Pútín Rússlandsforseta að beita hervaldi til að vernda rússneskan minnihluta í Úkraínu.
Arsenij Jatsenjuk, starfandi forsætisráðherra Úkraínu, brást við með því að kalla út allt vara-herlið landsins með þeim orðum að ráðamenn í Moskvu hefðu fært þjóðirnar tvær á „brún hörmunga“.
„Hér er ekki um hótun að ræða: þetta er í raun stríðsyfirlýsing gegn landi mínu,“ sagði hann í Kænugarði.
Sergei Lavrov, utanríkisráðherra Rússlands, segir að her Rússa verði á Krímskaga „þar til stjórnmálaástandið komist í venjulegt horf“. Hann segir að gagnrýni af hálfu NATO sé aðeins skref sem muni grafa undan markmiðum bandalagsins sjálfs. Þá gagnrýnir hann hótanir ráðamanna á Vesturlöndum um refsiaðgerðir gegn Rússum, þær sýni aðeins að þeir leggi meiri áherslu á „geópólitískar vangaveltur“ sínar er örlög Úkraínumanna.
Af hálfu Evrópusambandsins hefur verið ákveðið fresta tvíhliða viðræðum við Rússa um afnám vegabréfsárita. Rússar eiga aðild að hópi G8, átta ríkja, leiðtogar sjö ríkjanna hafa ákveðið að fara ekki til fundar í Sotsji í sumar í boði Pútíns nema ástandið taki stakkaskiptum.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumEasy-Jet fækkar ferðum London-Moskva um helming
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.