„Markaðspaníkkin“ , dauði evrunnar og tilvistarkreppa ESB

Fyrir skömmu sat Sigríður Ingibjörg Ingadóttir, þingmaður Samfylkingar í útvarpi og útskýrði fyrir hlustendum hvað væri að gerast á evrusvæðinu. Hún sagði að það væri bara „markaðspaníkk“.

Ekki eru allir sammála því mati þingmannsins. Fréttastofa RÚV er nýbúinn að uppgötva að eitthvað meira er á ferðinni og er byrjuð að segja reglulega fréttir af atburðarás, sem hófst snemma vors 2010. Jafnvel Már Guðmundsson, seðlabankastjóri og Fréttablaðið hafa komizt að sömu niðurstöðu!

Össur Skarphéðinsson

Í Morgunblaðinu í dag birtist grein eftir Emmu Bonino, sem áður sat í framkvæmdastjórn ESB og ítalskan samstarfsmann hennar þar sem segir:

Árni Þór Sigurðsson

„Annar kosturinn er að ríki evrusvæðisins verði áfram fullvalda og endurheimti völd sín á sviði peningamála, sem felur ekki aðeins í sér dauða evrunnar, heldur myndi það stefna innri markaðnum og jafnvel tilvist Evrópusambandsins í hættu. Hinn kosturinn er að ríkin gangi lengra í því að afsala sér fullveldisrétti til Evrópusambandsins og það felur ekki aðeins í sér að evran haldi velli heldur getur það einnig af sér pólitíska sameiningu Evrópu, sem er ef til vill mikilvægara atriði.“

Er til of mikils mælzt að Jóhanna Sigurðardóttir, forsætisráðherra, Össur Skarphéðinsson, utanríkisráðherra, Steingrímur J. Sigfússon, fjármálaráðherra og Árni Þór Sigurðsson, formaður utanríkismálanefndar Alþingis ræði þessi viðhorf við íslenzku þjóðina í ljósi aðildarumsóknar Íslands að Evrópusambandinu?

Það væri ekki verra ef leiðtogar stjórnarandstöðunnar gerðu það líka.

Og svo væri náttúrlega æskilegt að þingmaðurinn Sigriður Ingibjörg Ingadóttir, útskýrði aftur fyrir þjóðinni tengslin á milli þess, sem hún kallar „markaðspaníkk“ og yfirvofandi dauða evrunnar að mati fyrrverandi fulltrúa í framkvæmdastjórn ESB!