Ætlar Jóhanna að hætta eða ætlar hún ekki að hætta?
Vill bæði hætta og ekki hætta
Í því hvísli, sem staðið hefur yfir í Samfylkingunni um nokkurt skeið um framtíðarformennsku í flokknum hefur Jóhanna Sigurðardóttir öðrum þræði gefið í skyn að hún sé ekkert endilega að hugsa um að hætta. Hún geti vel hugsað sér að leiða Samfylkinguna í gegnum næstu kosningar.
Þeir sem þekkja vel til innviða stjórnmálanna telja víst að þetta sé aðferð Jóhönnu til að skapa sér vígstöðu.
Hún ætli að hætta en vilji sitja sem forsætisráðherra til loka kjörtímabils. Það verði hins vegar ómöguleg staða fyrir nýjan formann að taka við formennsku flokksins og veita honum forystu í fyrirsjáanlega erfiðri kosningabaráttu en vera utan ríkisstjórnar eða í ráðherrastöðu en undir forsæti Jóhönnu.
Með því að viðra hugmyndir um að hún haldi áfram tekur Jóhanna hins vegar verulega áhættu.
Eina ástæðan fyrir því að opinber uppreisn hefur ekki brotizt fram í Samfylkingunni gegn henni er sú, að fólk hefur gengið út frá því sem vísu að hún ætli að hætta á góðum tíma fyrir kosningar og þá að sjálfsögðu i báðum embættum.
Komi í ljós að Jóhanna ætli að hafa annan hátt brjótist óánægjan innan dyra upp á yfirborðið.
SG
Styrmir Gunnarsson er lögfræðingur og fyrrverandi ritstjóri Morgunblaðsins. Hann hóf störf sem blaðamaður á Morgunblaðinu 1965 og varð aðstoðarritstjóri 1971. Árið 1972 varð Styrmir ritstjóri Morgunblaðsins, en hann lét af því starfi árið 2008.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
- LeiðariBjartara yfir 17. júní
- FréttBretland: Æðstu stjórnendur banka eiga yfir höfði sér fangelsisdóma og tekjumissi skv. tillögum bankanefndar
- FréttÁstralía: Fékk höfuðhögg tók að tala ensku með frönskum hreim
- Í pottinumRétt ákvörðun menntamálaráðherra í málefnum RÚV
- LeiðariGagnsæi í utanríkismálum
- FréttNSA og FBI hafa hindrað rúmlega 50 tilraunir til hryðjuverka síðan 11. september 2001
- LeiðariÞjóðhátíðarræðan og ESB
- StjórnmálavaktinÞað þarf að gera úttekt á viðhorfum annarra þjóða til Íslands í hruninu 2008 - og síðan
- Í pottinumVar Steingrímur J. samvinnuþýðari við Maríu?
- ViðskiptavaktinBretland: Ítarlegar tillögur um breytta bankalöggjöf liggja fyrir brezka þinginu
Rétt ákvörðun menntamálaráðherra í málefnum RÚV
Það er rétt hjá Illuga Gunnarssyni, menntamálaráðherra, að þingkjörin stjórn Ríkisútvarpsins er lýðræðislegri aðferð við að stjórna þeirri stofnun en valnefndarfyrirkomulagið, sem var í aðsigi. Þótt valnefndarskipan geti litið vel út á pappírnum býður það kerfi upp á að klíkuskapur í þeim samtökum, sem þar koma að málum ráði ferðinni.
Var Steingrímur J. samvinnuþýðari við Maríu?
Breyttur tónn Maríu Damanaki, sjávarútvegsstjóra ESB í garð Íslendinga vegna makrílmálsins hefur vakið athygli. Nú er hún með hnefann á lofti. Hvað ætli valdi? Sumir, eins og Birgir Ármannsson, formaður utanríkismálanefndar, telja að Damanaki liggi undir þrýstingi frá þingmönnum á Evrópuþinginu, sem vel má vera og ekki ólíklegt.
Nákvæmni í orðavali skiptir máli - ekki sízt hjá ráðherrum
Þegar menn hafa tekið við ráðherradómi verða þeir að vera nákvæmari í orðavali en ella. Það á ekki sízt við um veigamikil mál á borð við ESB-málið. Sumir ráðherrar, sérstaklega Framsóknarflokksins, hafa ekki gætt þessa sem skyldi. Það á við um Sigmund Davíð og Sigurð Inga og það á við um orð, sem Gunnar Bragi Sveinsson, utanríkisráðherra, lét falla í samtali við RÚV á laugardagskvöld.
Blaðamannafundur í Brussel stendur ekki undir útleggingum fréttastofu ríkisútvarpsins
Furðufréttir ESB-fréttastofu ríkisútvarpsins af blaðamannafundi Gunnars Braga Sveinssonar utanríkisráðherra og Ŝtefans Füles, stækkunarstjóra ESB, halda áfram.