Verður samstaða milli stjórnarflokkanna um slíka atkvæðagreiðslu?
Þingmenn og ráðherrar VG segja, að þeir vilji þjóðaratkvæðagreiðslu um efnislega niðurstöðu samningaviðræðna við ESB fyrir eða samhliða þingkosningum, sem fram fara í síðasta lagi næsta vor.
Nú liggur ljóst fyrir að niðurstöður samningaviðræðna og aðildarsamningur liggja ekki fyrir innan þeirra tímamarka.
Hvaða eiga þessir þingmenn og ráðherrar þá við, þegar þeir tala um þjóðaratkvæðagreiðslu um efnislega niðurstöður áður en hugsanlegur aðildarsamningur liggur fyrir?
Flest bendir til að þeir eigi við það að þegar fyrir liggi hvaða skilyrði Evrópusambandið setji fyrir opnun sjávarútvegskafla vilji þeir kjósa.
Össur Skarphéðinsson, utanríksráðherra sagði í viðtali við RÚV fyrir helgi, að sjávarútvegskaflinn yrði opnaður á „næstu mánuðum“. Hvað þýðir það skv. íslenzkri málvenju?
Er ekki sanngjarnt að segja að hann eigi við næstu 3-4 mánuði?
Má þá búast við að VG knýi fram þjóðaratkvæðagreiðslu um opnunarviðmið ESB vegna sjávarútvegskaflans fyrir áramót?
Hvað segir Samfylkingin um það? Verður samstaða á milli stjórnarflokkanna um slíka atkvæðagreiðslu?
SG
Styrmir Gunnarsson er lögfræðingur og fyrrverandi ritstjóri Morgunblaðsins. Hann hóf störf sem blaðamaður á Morgunblaðinu 1965 og varð aðstoðarritstjóri 1971. Árið 1972 varð Styrmir ritstjóri Morgunblaðsins, en hann lét af því starfi árið 2008.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
- FréttHlutabréf lækka um allan heim í kjölfar tilkynningar Seðlabanka Bandaríkjanna
- Í pottinumHvað er svona flókið við IPA-styrkina?
- FréttGunnar Bragi um IPA-styrki: „...geta nýst að einhverju leyti sem EES-ríki...“
- StjórnmálavaktinHraksmánarleg og aumingjaleg framkoma Dana við Færeyinga
- FréttDanir standa með ESB gegn Færeyingum í síldar- og makríldeilum
- ViðskiptavaktinBretland: Bankar þurfa að bæta eiginfjárstöðu sína um 27,1 milljarð punda til að uppfylla kröfu Basel III
- LeiðariGagnsæi í utanríkismálum
- FréttFinnland: Leyniþjónustan vill almenna heimild til að hlera símtöl og fylgjast með netinu
- Í pottinumRétt ákvörðun menntamálaráðherra í málefnum RÚV
- FréttBretland: Æðstu stjórnendur banka eiga yfir höfði sér fangelsisdóma og tekjumissi skv. tillögum bankanefndar
Hvað er svona flókið við IPA-styrkina?
Það er auðvitað sjálfsagt að nýr utanríkisráðherra fá svigrúm til að kanna stöðu mála í ráðuneyti sínu áður en dómar eru felldir um aðgerðir hans og ákvarðanir en samt er það nú svo að svör hans við spurningum Fréttablaðsins um svonefnda IPA-styrki vekja upp spurningar - og kannski áhyggjur. Það er algerlega á hreinu um hvað þessir styrkir snúast.
Rétt ákvörðun menntamálaráðherra í málefnum RÚV
Það er rétt hjá Illuga Gunnarssyni, menntamálaráðherra, að þingkjörin stjórn Ríkisútvarpsins er lýðræðislegri aðferð við að stjórna þeirri stofnun en valnefndarfyrirkomulagið, sem var í aðsigi. Þótt valnefndarskipan geti litið vel út á pappírnum býður það kerfi upp á að klíkuskapur í þeim samtökum, sem þar koma að málum ráði ferðinni.
Var Steingrímur J. samvinnuþýðari við Maríu?
Breyttur tónn Maríu Damanaki, sjávarútvegsstjóra ESB í garð Íslendinga vegna makrílmálsins hefur vakið athygli. Nú er hún með hnefann á lofti. Hvað ætli valdi? Sumir, eins og Birgir Ármannsson, formaður utanríkismálanefndar, telja að Damanaki liggi undir þrýstingi frá þingmönnum á Evrópuþinginu, sem vel má vera og ekki ólíklegt.
Nákvæmni í orðavali skiptir máli - ekki sízt hjá ráðherrum
Þegar menn hafa tekið við ráðherradómi verða þeir að vera nákvæmari í orðavali en ella. Það á ekki sízt við um veigamikil mál á borð við ESB-málið. Sumir ráðherrar, sérstaklega Framsóknarflokksins, hafa ekki gætt þessa sem skyldi. Það á við um Sigmund Davíð og Sigurð Inga og það á við um orð, sem Gunnar Bragi Sveinsson, utanríkisráðherra, lét falla í samtali við RÚV á laugardagskvöld.