Romney komið til hálpar í Bandaríkjunum vegna árása breskra fjölmiðla

Mitt Romney og Ed Miliband í London 27. nóvember 2012

Stuðningsmenn Mitts Romneys, forsetaframbjóðanda repúblíkana, í Bandaríkjunum snerust til varnar sínum manni eftir að bresku blöðin sóttu að honum í vikunni í tilefni af komu hans til London. Á vefsíðu tímaritsins Commentary segir föstudaginn 27. júlí að breskir fjölmiðlamenn hafi ekki getað beðið með rýtinga sína þar til Romney kæmi til London, þeir hafi vegið að honum vegna ummæla hans um undirbúninginn vegna Ólympíuleikanna og vegna annarra orða hans af undarlega mikilli hörku. Piers Morgan varði Romney á CNN : „Hann var ekki að segja annað en sannleikann [um Ólympíuleikana], það er stundum erfitt að kyngja honum.“ Hann sagði á vefsíðunni Hot Air:

Spurningin er ekki hvort ummæli Romneys voru rétt heldur hvort þau voru við hæfi. Bretar töldu svo ekki vera og það ræður í málinu. Stuðningsmenn Obama elska þetta þar sem það fellur alveg að slagorði þeirra: „Romney er Bush“. Kjósendur vilja ekki að Bandaríkin séu fyrirlitin í Evrópu eins og á árum G.W – er það? Gleymum þeirri staðreynd að Obama hefur staðið að öllu alvarlegri móðgunum: fjarlægt brjóstmynd af Churchill úr skrifstofu sinni, gefið drottningunni iPod fullhlaðinn af myndum af forsetafjölskyldunni o. s. frv. Hann er hins vegar enn vinstrisinnaður demókrati og nýtur þess vegna dálítils skjóls hjá bresku pressunni.

Fjölmiðlar eru teknir til við að kalla ferðalag Romneys „Romneyshambles“ – hrakfallaför Romneys – og nú spinna þeir sögur úr engu. Fíflalegasta athugasemdin birtist í The Independent og snerist um að Romney hefði gleymt nafninu á Ed Miliband, leiðtoga Verkamannaflokksins; hann virtust hafa gert það á blaðamannafundi.

Þegar Romney ræddi við leiðtoga bresku stjórnarandstöðunnar sagði hann: „Hr. leiðtogi, ég hlakka til að ræða við þig hér á eftir [...] og auðvitað viðurkenna hin sérstöku tengsl milli þjóða okkar, stuðning okkar við sameiginleg gildi, stuðning okkar við frið í heiminum og ósk okkar um sterkari og vaxandi efnahag.“

Margir Bandaríkjamenn vita er „Mr. Leader“ – hr. leiðtogi – virðingarheiti á þingflokksformönnum á Bandaríkjaþingi.. Flest bendir til að Romney hafi frekar notað þetta ávarp í virðingarskyni en að hann hafi gleymt nafni Milibands. Skrif breskra fjölmiðla um þetta eru aðeins til marks um hve mjög þau þrá að „ná í skottið“ á Romney og þetta veldur repúblíkönum vandræðum. Þess má minnast að Bush átti að vera heimskur kúreki sem mundi engin mannanöfn: Romney á að vera peningaþyrst vélmenni sem kann ekkert fyrir sér í utanríkismálum. Nauðsynlegt er að hafa þetta á hreinu segir í Commentary.