Rússar setja Norðurflotann í allsherjarviðbragðsstöðu - undrast æfingar undir merkjum NATO við landamæri sín
Fyrsta embættisverk Vladimírs Pútíns Rússlandsforseta eftir að hann birtist opinberlega að nýju mánudaginn 16. mars eftir 10 daga fjarveru var að skipa Norðurflota Rússlands á Kólaskaga við austurlandamæri Noregs að fara í allsherjar viðbragðsstöðu til skyndiæfingar.
Á norsku vefsíðunni BarentsObserver er haft eftir rússneska varnarmálaráðherranum að fyrirmælin nái til 38.000 hermanna, 3.360 ökutækja, 41 herskips, 15 kafbáta og 110 flugvéla. Verði eftirlitsmenn sendir til að gera úttekt á viðbragðsflýtinum og hafi þeir tekið til starfa klukkan 08.00 að morgni mánudags 16. mars.
Höfuðhöfn Norðurflotans er í Severomorsk fyrir norðan Múrmansk og nokkrar hafnir kjarnorkuknúinna kafbáta eru á ströndinni í átt að Noregi.
Á vefsíðu rússneska varnarmálaráðuneytisins segir að með æfingunni eigi að kanna getu Norðurflotans til aðgerða í Norður-Íshafi. „Ný verkefni og nýjar ógnir við hernaðarlegt öryggi krefjast þess að geta heraflans til átaka sé efld enn frekar,“ segir Sergei Shoigu varnarmálaráðherra.
Rússar boða þessar æfingar Norðurflotans á sama tíma sem Norðmenn ljúka heræfingum sem staðið hafa í eina viku á Finnmörk, nyrsta héraði landsins. Tóku um 5.000 hermenn þátt í henni og hefur svo viðamikil æfing ekki verið á Finnmörk síðan 1967.
Alexeij Meshkov, varautanríkisráðherra Rússlands, sagði mánudaginn 16. mars að fjölgun heræfinga undir merkjum NATO skammt frá landamærum Noregs drægi úr stöðugleika í Norðaustur-Evrópu.
„Rússar hafa miklar áhyggjur af fjölgun NATO-æfinga við landamæri okkar. Það er sérstaklega undarlegt að þetta skuli gerast í Norðaustur-Evrópu þar sem stöðugleiki er mestur ekki aðeins í okkar heimshluta heldur kannski einnig í öllum heiminum,“ segir Mashkov við TASS-fréttastofuna.
BarentsObserver minnir á að Norðmenn og Rússar eigi sameiginlega strandlengju að Barentshafi og undanfarin 20 ár hafi þeir þróað með sér samstarf á sviði hermála til dæmis með gagnkvæmum flotaheimsóknum en Norðmenn hafi skorið á allt slíkt samstarf eftir að Rússar innlimuðu Krímskaga 16. mars 2014,
Bj. Bj.
Björn Bjarnason var þingmaður Sjálfstæðisflokksins frá árinu 1991 til 2009. Hann var menntamálaráðherra 1995 til 2002 og dóms- og kirkjumálaráðherra frá 2003 til 2009. Björn var blaðamaður á Morgunblaðinu og síðar aðstoðarritstjóri 1979 til 1991.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- Í pottinumEasy-Jet fækkar ferðum London-Moskva um helming
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumAðild að Evrópusambandinu jafngildir aðför að fæðuöryggi Íslendinga
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
Þáttaskil - hlé á útgáfu Evrópuvaktarinnar
Þriðjudaginn 27. apríl 2010 sá vefsíðan Evrópuvaktin dagsins ljós. Nú er komið að þáttaskilum. Á Evrópuvaktinni hefur verið lögð áhersla á málefni tengd Evrópusambandinu, þróun evrópskra stjórnmála og efnahagsmála auk umræðna hér á landi um þessi mál og tengsl Íslands og Evrópusambandsins. Þá hefu...
Easy-Jet fækkar ferðum London-Moskva um helming
Brezka flugfélagið Easy-Jet hefur fækkað ferðum á flugleiðinni London-Moskva um helming. Ástæðan er minnkandi eftirspurn og að sögn Moskvutíðinda eru önnur alþjóðleg flugfélög að gera hið sama. Farþegum á þessari flugleið hefur fækkað um 20% það sem af er þessu ári samanborið við sama tíma fyrir ári. Ástæðan er staða rúblunnar og versnandi alþjóðleg samskipti vegna deilunnar um Úkraínu.
Pengingaþvætti fyrir alþjóðlega glæpahringi ógnar bankakerfi Andorra
Athygli beinist að bankakerfinu í Andorra um þessar mundir og yfirvofandi hruni þess.
PIMCO: Evrusvæðið á sér ekki framtíð að óbreyttu
Forsvarsmenn PIMCO, stærsta skuldabréfasjóðs heims, segja að evrusvæðið eigi sér ekki framtíð nema evruríkin sameinist í eins konar „Bandaríkjum Evrópu“. Í því felst að sögn Daily Telegraph að aðildarríkin afsali sér sjálfstæði sínu. Talsmaður PIMCO bendir á að veikur hagvöxtur á evrusvæðinu h...