Grikkland: Einkavæðing Piraeus-hafnar endurvakin - Kínverjar líklegir kaupendur
Skömmu eftir að stjórn róttækra vinstrisinna, Syriza, tók við völdum í Grikklandi í janúar var tilkynnt að fallið hefði verið frá sölunni á meirihlutaeign gríska ríkisins í Piraeus-höfn skammt utan við Aþenu. Það félli ekki að kosningastefnu flokksins og sósíalískum viðhorfum að einkvæða hafnarrekstur eða opinbera starfsemi á ýmsum öðrum sviðum.
Laugardaginn 27. mars birti kínverska fréttastofan Xinhua hins vegar frétt þar sem haft var eftir vara-forsætisráðherra Grikklands að höfnin yrði seld innan fárra vikna. Er þessi kúvending talin til marks um sviptingarnar sem eru í Aþenu þegar stjórnvöld leita logandi ljósi að úrræðum sem geri þeim kleift að fullnægja kröfum þríeykisins (ESB/SE/AGS) og fá fjármagn til að komast hjá greiðsluþroti ríkisins.
Gríska ríkið á 67% í Piraeus Port Authority (OLP) það er hlutafélaginu um Piraeus-höfn. Kínverska skipafélagið Cosco Group er í hópi fimm tilboðsgjafa í eignarhlut ríkisins í höfninni sem hafa verið til sérstakrar athugunar á einkavæðingarnefnd Grikklands sem starfaði í umboði ríkisstjórnarinnar sem fór frá völdum eftir kosningarnar 25. janúar 2015. Vildi ríkisstjórn undir forsæti Alexis Tsipras, leiðtoga Syriza, binda enda á alla einkavæðingu.
Xinhua segir að föstudaginn 27. mars hafi gríska ríkisstjórnin lagt nýjar tillögur fyrir þríeykið og þar á meðal um einkavæðingu. Grískir ráðherrar hafa verið á ferð um Kína og segir fréttastofan að Yannis Dragasakis vara-forsætisráðherra hafi sagt að Cosco og aðrir tilboðsgjafar geti „gert mjög samkeppnishæft tilboð“.
Hann sagði að innan nokkurra vikna yrði unnt að ganga frá sölusamningi en framkvæmdin hefði „aðeins tafist“ vegna stjórnarskipta í Grikklandi. Xinhua segir að Dragasakis hafi gefið til kynna að Cosco stæði framarlega í röðinni.
Skiptar skoðanir eru um hvenær gríski ríkissjóðurinn kemst í greiðsluþrot. Sumir nefna miðvikudaginn 8. apríl aðrir tala um 20. apríl, allir eru þó sammála um að örvæntingar verði vart meðal þeirra sem þekki best til mála innandyra í gríska ríkisfjármálaheiminum.
Cosco hefur þegar tekið að sér rekstur hluta hafnarinnar í Piraeus.
Bj. Bj.
Björn Bjarnason var þingmaður Sjálfstæðisflokksins frá árinu 1991 til 2009. Hann var menntamálaráðherra 1995 til 2002 og dóms- og kirkjumálaráðherra frá 2003 til 2009. Björn var blaðamaður á Morgunblaðinu og síðar aðstoðarritstjóri 1979 til 1991.
+Hér birtist í heild bréf sem Víglundur Þorsteinsson afhenti í Alþingishúsinu mánudaginn 10. febrúar. Áður hafði Víglundur skrifað Einari K. Guðfinnssyni forseta Alþingis um sama efni.+ Bréf til stjórnskipunar- og eftirlitsnefndar Alþingis, Hr. formaður Ögmundur Jónasson Í framhaldi af b...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- Í pottinumEasy-Jet fækkar ferðum London-Moskva um helming
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- Í pottinumAðild að Evrópusambandinu jafngildir aðför að fæðuöryggi Íslendinga
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
Þáttaskil - hlé á útgáfu Evrópuvaktarinnar
Þriðjudaginn 27. apríl 2010 sá vefsíðan Evrópuvaktin dagsins ljós. Nú er komið að þáttaskilum. Á Evrópuvaktinni hefur verið lögð áhersla á málefni tengd Evrópusambandinu, þróun evrópskra stjórnmála og efnahagsmála auk umræðna hér á landi um þessi mál og tengsl Íslands og Evrópusambandsins. Þá hefu...
Easy-Jet fækkar ferðum London-Moskva um helming
Brezka flugfélagið Easy-Jet hefur fækkað ferðum á flugleiðinni London-Moskva um helming. Ástæðan er minnkandi eftirspurn og að sögn Moskvutíðinda eru önnur alþjóðleg flugfélög að gera hið sama. Farþegum á þessari flugleið hefur fækkað um 20% það sem af er þessu ári samanborið við sama tíma fyrir ári. Ástæðan er staða rúblunnar og versnandi alþjóðleg samskipti vegna deilunnar um Úkraínu.
Pengingaþvætti fyrir alþjóðlega glæpahringi ógnar bankakerfi Andorra
Athygli beinist að bankakerfinu í Andorra um þessar mundir og yfirvofandi hruni þess.
PIMCO: Evrusvæðið á sér ekki framtíð að óbreyttu
Forsvarsmenn PIMCO, stærsta skuldabréfasjóðs heims, segja að evrusvæðið eigi sér ekki framtíð nema evruríkin sameinist í eins konar „Bandaríkjum Evrópu“. Í því felst að sögn Daily Telegraph að aðildarríkin afsali sér sjálfstæði sínu. Talsmaður PIMCO bendir á að veikur hagvöxtur á evrusvæðinu h...