Tímabært að hefja umræður um lok aðildarumsóknar
Aðildarumsókn Íslands að ESB er andvana fædd enda ekki við öðru að búast eins og til hennar var stofnað. Aðildarsinnar gerðu grundvallarmistök, þegar þeir samþykktu ekki að tekin yrði ákvörðun í þjóðaratkvæðagreiðslu um hvort leggja bæri fram umsókn. Hefði ríkisstjórnin haft slíkt umboð að baki sér þegar umsókn var lögð fram væri staða hennar í málinu önnur en hún er nú. Það er athyglisvert að þessi ríkisstjórn gerði sams konar mistök í stjórnarskrármálinu, þegar Hæstiréttur hafði úrskurðað stjórnlagaþingskosninguna ógilda. Hefði verið kosið til stjórnlagaþings á ný væri staðan á þeim vettvangi allt önnur en hún er nú. Þetta er ríkisstjórn, sem bersýnilega hefur tilhneigingu til að stytta sér leið.
Nú bíða tvenns konar verkefni forystumanna í stjórnmálum vegna aðildarumsóknarinnar. Annars vegar að koma sér saman um dagsetningu þjóðaratkvæðagreiðslu um afstöðu þjóðarinnar til aðildar að Evrópusambandinu, þegar hér er komið sögu og hins vegar í framhaldi af því að átta sig á hvernig bezt er að ljúka þessu máli þannig að það verði gert í friði og vinsemd við Evrópusambandið.
Rétt er að benda á, að það er ekki einungis vegna andstöðu hér á Íslandi við aðild, sem umsóknin er andvana fædd, þótt það eitt mundi að sjálfsögðu duga til. Það er líka ljóst að innan Evrópusambandsins sjálfs er svo hörð andstaða við aðild Íslands meðal þeirra þjóða, sem hagsmuna eiga að gæta við makrílveiðar á Norður-Atlantshafi að framkvæmdastjórnin í Brussel er í vandræðum með að halda þeirri andstöðu í skefjum. Sú viðleitni kemur m.a. fram í því pukri, sem nú stendur yfir um það með hvaða skilmálum eigi að opna sjávarútvegskaflann. Makrílþjóðirnar krefjast þess, að þau skilyrði verði hörð. Framkvæmdastjórnin hamast við að fela þá hörðu afstöðu á bak við loðið orðalag.
Það er orðið löngu tímabært að þeir stjórnmálaflokkar, sem andvígir eru aðild taki afgerandi pólitíska forystu um frágang málins. Sú skylda hvílir ekki sízt á forystumönnum Sjálfstæðisflokksins. Þeir eru með óumdeilanlegt umboð landsfunda að baki sér. Nú er kominn tími til að þeir hefjist handa.
Styrmir Gunnarsson er lögfræðingur og fyrrverandi ritstjóri Morgunblaðsins. Hann hóf störf sem blaðamaður á Morgunblaðinu 1965 og varð aðstoðarritstjóri 1971. Árið 1972 varð Styrmir ritstjóri Morgunblaðsins, en hann lét af því starfi árið 2008.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
- FréttOsló: Norsk stjórnvöld töldu aðild Íslands að ESB aldrei líklega - vænta aukins samstarfs til að styrkja stöðuna innan EES
- Í pottinumÓlundarlegir fráfarandi ráðherrar
- StjórnmálavaktinVG: Katrín þakkar og lýsir árangri en gleymir að skýra úrslit þingkosninganna á
- FréttStokkhólmur: Kveikt í 340 bílum,veitingahúsi og lögreglustöð-ólæti fjóra daga í röð-Svíar í „sjokki“
- Í pottinumNú þarf að moka flórinn, sem aðildarumsóknin skilur eftir
- FréttFramkvæmdastjórn ESB rann á rassinn í stóra ólívuolíumálinu
- ViðskiptavaktinLandbúnaðurinn hefur gagnsókn á hendur verzluninni
- FréttNoregur: Enginn sótti um embætti hæstaréttardómara
- FréttVerð á hlutabréfum lækkar á heimsvísu í kjölfar mikillar lækkunar í Japan
- FréttDavid Cameron: Það hefur verið gerð hryðjuverkaárás á breskt þjóðlíf
ESB-viðræður stöðvaðar - hver leggur til að þeim verði fram haldið?
Nýr stjórnarsáttmáli hefur verið birtur. Þar kveður við annan tón í ESB-málum en hjá ríkisstjórninni sem nú kveður. Eitt helsta baráttumál hennar var að ljúka viðræðum við ESB um aðild og leggja niðurstöðuna undir dóm kjósenda.
Ný ríkisstjórn tekur við á morgun, fimmtudag. Miðað við þær upplýsingar, sem fyrir liggja eftir fundi í stofnunum hinna nýju stjórnarflokka í gærkvöldi er ljóst að formlegt hlé verður gert á viðræðum við Evrópusambandið um aðild, sem staðið hafa frá sumrinu 2009 og þær verða ekki teknar upp aftur nema þjóðin hafi tekið ákvörðun um það í þjóðaratkvæðagreiðslu. Jafnframt má gera ráð fyrir skv.
Frakklandsforseti skellir skuldinni á ESB
François Hollande Frakklandsforseti efndi til blaðamannafundar fimmtudaginn 16. maí í því skyni að bæta stöðu sína heima fyrir enda nýtur hann ekki trausts nema um 25% Frakka miðað við nýjar skoðanir. Í 50 ár hefur forseti Frakklands ekki verið svo lágt skrifaður. Horfur eru ekki góðar fyrir Hollan...
Hvað eru Danir að gera í Norðurskautsráðinu? - Þar eiga Grænlendingar að sitja
Hvers vegna situr fulltrúi Danmerkur í Norðurskautsráðinu? Danmörk kemur hvergi við sögu á Norðurslóðum nema vegna stjórnskipulegra tengsla Danmerkur og Grænlands. Sú afstaða Grænlendinga að það sé ekki við hæfi að skipa þeim á hliðarbekk þegar málefni Norðurslóða eru til umræðu á þessum formlega samstarfsvettvangi nokkurra þjóða sem hlut eiga að máli er skiljanleg.