ESB-leynimakkið skýrt: Fyrst mátað í Brussel síðan sagt í mótun
Hér hefur oftar en einu sinni verið vakið máls á því að innan utanríkisráðuneytisins sé unnið að því að móta samningsmarkmið Íslands í því sem kallaðir eru „erfiðustu“ eða „viðkvæmustu“ kaflarnir í ESB-aðildarviðræðunum, sjávarútvegsmálum og landbúnaðarmálum. Tilgangurinn er að útiloka andstöðu ESB við samningsmarkmiðin. Utanríkisráðuneytið semur fyrst við sjálft sig til að þóknast ESB. Aðferðinni verður ekki leynt eins og sannast hefur í tveimur tilvikum.
Hið fyrra er að hinn 2. apríl 2012. Franz Cermak frá stækkunardeild ESB sat fund í Reykjavík undir stjórn Timos Summa, sendiherra ESB á Íslandi. Cermak skýrði frá því að íslensk stjórnvöld hefðu þegar skilað ESB drögum að viðbrögðum sínum við skilyrðum ESB fyrir að opna viðræður um landbúnaðarkaflann. Þessi drög höfðu ekki verið kynnt samningshópi um landbúnaðarmál og var það ekki gert fyrr en 7. maí
Hið síðara er frá 22. júní 2012. Þá skýrði Össur Skarphéðinsson utanríkisráðherra frá því á ríkjaráðstefnu í Brussel að samningsafstaða Íslands hefði verið mótuð. Hann iðaði í skinninu eftir að fá að máta hana við að minnsta kosti umgjörð ESB-afstöðunnar. Árni Þór Sigurðsson, formaður utanríkismálanefndar alþingis, og Kolbeinn Árnason, formaður samningshóps í sjávarútvegsmálum, staðfestu í samtölum við Morgunblaðið sem birtust laugardaginn 23. júní að innan stjórnarráðsins hefðu menn unnið að því að semja samningsmarkmiðin í sjávarútvegsmálum.
Flest bendir til að pólitíska umboðið til að hefja þessa mátun á samningsmarkmiðum Íslands í Brussel hafi fengist eftir að Steingrímur J. Sigfússon, ráðherra sjávarútvegs- og landbúnaðarráðherra, hitti framkvæmdastjórnarmenn ESB í Brussel 25. janúar 2012. Sé unnið á þennan hátt innan stjórnarráðsins án vitundar og vilja ráðherra viðkomandi málaflokka eru stjórnarhættir undir forystu Jóhönnu Sigurðardóttur enn rotnari en áður var vitað.
Hið einkennilega í þessu máli öllu er að stjórnmálamenn í öllum flokkum láti sér þessi vinnubrögð lynda. Um Árna Þór Sigurðsson þarf ekki að ræða. Hann er þátttakandi í laumuspilinu. Hvað með alla hina? Sérstaklega þó stjórnarandstöðuna - ætlar hún að láta taka sig í bólinu? Hve oft og rækilega þarf að lýsa þessum ólýðræðislegu vinnubrögðum til að málsvarar lýðræðis snúist til varnar?
Forystumenn Bændasamtaka Íslands hafa andmælt gegn þessum vinnubrögðum og eiga þeir hrós skilið fyrir einarða og málefnalega afstöðu sína. Láta fulltrúar LÍÚ og sjómanna láta sér vinnubrögðin lynda?
Utanríkisráðherra handvaldi fólk í samráðsnefnd sem átti að verða tengiliður ráðuneytis hans og almennings. Hvaða blekkingarleikur er stundaður á þeim vettvangi? Eða er fólkið sem átti að miðla upplýsingum um samfélagið orðið samdauna þeim sem vilja fyrst máta í Brussel og síðan knýja fram niðurstöðu á heimavelli með óljósu tali um sérlausnir?
Björn Bjarnason var þingmaður Sjálfstæðisflokksins frá árinu 1991 til 2009. Hann var menntamálaráðherra 1995 til 2002 og dóms- og kirkjumálaráðherra frá 2003 til 2009. Björn var blaðamaður á Morgunblaðinu og síðar aðstoðarritstjóri 1979 til 1991.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
- LeiðariFramkvæmastjórn ESB og feilspor Össurar
- Í pottinumEr ekki alveg öruggt að VG styður stefnu ríkisstjórnarinnar gagnvart ESB?
- FréttRitað undir fríverslunarsamning Kína og Sviss
- FréttDansmærin Ruby breytir framburði sínum í máli sem tengist Berlusconi
- LeiðariEkkert uppnám i Evrópu-Hvað veldur Össur?
- StjórnmálavaktinVG: Katrín þakkar og lýsir árangri en gleymir að skýra úrslit þingkosninganna á
- FréttÍtalía: Beppe Grillo ætlar að knýja fram þjóðaratkvæðagreiðslu um ESB og evruna
- ViðskiptavaktinLandbúnaðurinn hefur gagnsókn á hendur verzluninni
- Í pottinumÓlundarlegir fráfarandi ráðherrar
- FréttGrikkland: 70 bílar til afnota fyrir stjórnmálamenn
Framkvæmastjórn ESB og feilspor Össurar
Össur Skarphéðinsson utanríkisráðherra skipulagði ferð sína til Brussel nokkrum vikum fyrir kosningar á þann veg að hann fengi örugglega fagnaðarfund með Stefan Füle, stækkunarstjóra ESB, og öðrum framkvæmdastjórum þótt þeim væri öllum ljóst að Össur hefði engin tök lengur á aðildarmálinu og þetta yrði örugglega kveðjustund með honum sem utanríkisráðherra.
Ekkert uppnám i Evrópu-Hvað veldur Össur?
Það hefur ekkert uppnám orðið í Evrópulöndum, þótt ný ríkisstjórn á Íslandi hafi lýst því yfir að hlé verði gert á aðildarviðræðum við Evrópusambandið og þær ekki teknar upp að nýju nema þjóðin hafi samþykkt það í þjóðaratkvæðagreiðslu. Það liggur við að þessi stefnubreyting þyki ekki fréttnæm.
ESB-viðræður stöðvaðar - hver leggur til að þeim verði fram haldið?
Nýr stjórnarsáttmáli hefur verið birtur. Þar kveður við annan tón í ESB-málum en hjá ríkisstjórninni sem nú kveður. Eitt helsta baráttumál hennar var að ljúka viðræðum við ESB um aðild og leggja niðurstöðuna undir dóm kjósenda.
Ný ríkisstjórn tekur við á morgun, fimmtudag. Miðað við þær upplýsingar, sem fyrir liggja eftir fundi í stofnunum hinna nýju stjórnarflokka í gærkvöldi er ljóst að formlegt hlé verður gert á viðræðum við Evrópusambandið um aðild, sem staðið hafa frá sumrinu 2009 og þær verða ekki teknar upp aftur nema þjóðin hafi tekið ákvörðun um það í þjóðaratkvæðagreiðslu. Jafnframt má gera ráð fyrir skv.