Laugardagurinn 25. maí 2013

ESB-lygin og gröf VG


Björn Bjarnason
25. ágúst 2012 klukkan 11:00

Þegar Steingrímur J. Sigfússon, formaður VG, sá ástæðu til þess að ráði spunaliða sinna að rjúfa kyrrð sumarleyfisins í Frakklandi og gefa álit á uppnáminu innan eigin flokks vegna ESB-málsins átaldi hann „venjubundin vitni“, Ögmund Jónasson og Jón Bjarnason, fyrir að vekja „blóðlykt“ hjá andstæðingum flokksins og sagði við Katrínu Jakobsdóttur og Svandísi Svavarsdóttur að ESB-málið yrði ekki „leitt til lykta með tætingslegum yfirlýsingum í fjölmiðlum“.

Fjallað er um stöðuna innan raða VG í Reykjavíkurbréfi Morgunblaðsins laugardaginn 25. ágúst og sagt:

„Umræður ekki leyfðar nema þær séu í anda þess gervilífs sem heltekið hefur tilveruna, enda má segja að þegar þarna sé komið í þróuninni séu umræður nær veruleikanum orðnar vita gagnslausar. Horft er á þá sem næstir stóðu áður, elskaðir og virtir sem andstæðinga eða óvildarmenn. Þeir sagðir hafa fallið fyrir áróðri andstæðinga sem hnusi eftir blóðlyktinni og vilji hremma blóðugan bita, ef ekki helst að bíta á hol.“

Steingrímur J. Sigfússon sá ekki ástæðu til að ávarpa flokksráðsmenn VG í upphafi fundar þeirra á Hólum í Hjaltadal föstudaginn 24. ágúst. Kom í hlut Katrínar Jakobsdóttur varaformanns að setja fundinn. Hún sagði meðal annars:

„Þöggun og ótti við umræðu var einmitt eitt af því sem einkenndi samfélagið fyrir hrun og það viljum við ekki endurtaka. Hin opna umræða er metnaðarmál okkar. [...] Sú umræða þarf að snúast um málefni en ekki einstaklinga. Slík átök leiða aldrei til góðs eins og við þekkjum úr Sturlungasögu.“

Þessi orð varaformannsins falla að lýsingu höfundur Reykjavíkurbréfs. Steingrími J. Sigfússyni hefur tekist að eyðileggja flokk sinn innan frá og þar ræður eitt mál mestu: Umsóknin um aðild að Evrópusambandinu og lygavefurinn vegna hennar. „VG þykist reyndar alls ekki vera að sækja um aðild að Evrópusambandinu! Það er aðeins brot af hinni alltumlykjandi lygi í þeim ranni,“ segir í Reykjavíkurbréfinu.

Katrín Jakobsdóttir gekkst lyginni á hönd í setningarræðu sinni þegar hún sagði:

„Stjórnarsamstarfið snýst það ekki um umsókn Íslands að Evrópusambandinu. Það snýst um að skapa velferðarsamfélag á Íslandi. Meðal þeirra spurninga sem við þurfum að svara í því samhengi er hvort aðild að Evrópusambandinu þjóni því markmiði eða ekki. Mitt svar við þeirri spurningu er NEI, en ég vil eigi að síður spyrja þjóðina sömu spurningar.“

Að sjálfsögðu hefði þessi stjórn aldrei verið mynduð nema vegna þess að VG samþykkti ESB-aðildarumsóknina. Hún er öxull samstarfsins alls. Að mati Katrínar fellur ESB-aðild ekki að félagslegum og efnahagslegum markmiðum norrænu velferðarstjórnarinnar, frjálshyggja undir stjórn Angelu Merkel ræður för innan ESB.

Katrín Jakobsdóttir segist á móti sjálfum ESB-grundvelli ríkisstjórnar þar sem hún sjálf situr. Þessi tvískinnungur grefur undan VG. Hann fær ekki á sig betri blæ þegar látið er í veðri vaka að hann sé óhjákvæmilegur til að einhver spurning sé lögð fyrir þjóðina að lokinni uppgjöf á réttindum þjóðarinnar. Nægir Katrínu ekki að líta á tölur um fylgishrun VG? Eða um vinsældir ríkisstjórnarinnar?

 
Senda með tölvupósti  Senda á Facebook  Senda á Twitter  Vista sem pdf  Prenta

Björn Bjarnason var þingmaður Sjálfstæðisflokksins frá árinu 1991 til 2009. Hann var menntamálaráðherra 1995 til 2002 og dóms- og kirkjumálaráðherra frá 2003 til 2009. Björn var blaðamaður á Morgunblaðinu og síðar aðstoðarritstjóri 1979 til 1991.

 
 
Eftir Harald Benediktsson Pistill

ESB-aðlögun: Virka peningarnir?

Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.

 
Mest lesið
Fleiri leiðarar

Framkvæma­stjórn ESB og feilspor Össurar

Össur Skarphéðinsson utanríkis­ráðherra skipulagði ferð sína til Brussel nokkrum vikum fyrir kosningar á þann veg að hann fengi örugglega fagnaðarfund með Stefan Füle, stækkunar­stjóra ESB, og öðrum framkvæmda­stjórum þótt þeim væri öllum ljóst að Össur hefði engin tök lengur á aðildarmálinu og þetta yrði örugglega kveðjustund með honum sem utanríkis­ráðherra.

Ekkert uppnám i Evrópu-Hvað veldur Össur?

Það hefur ekkert uppnám orðið í Evrópu­löndum, þótt ný ríkis­stjórn á Íslandi hafi lýst því yfir að hlé verði gert á aðildarviðræðum við Evrópu­sambandið og þær ekki teknar upp að nýju nema þjóðin hafi samþykkt það í þjóðar­atkvæða­greiðslu. Það liggur við að þessi stefnubreyting þyki ekki fréttnæm.

ESB-viðræður stöðvaðar - hver leggur til að þeim verði fram haldið?

Nýr stjórnar­sáttmáli hefur verið birtur. Þar kveður við annan tón í ESB-málum en hjá ríkis­stjórninni sem nú kveður. Eitt helsta baráttumál hennar var að ljúka viðræðum við ESB um aðild og leggja niðurstöðuna undir dóm kjósenda.

Tímamót

Ný ríkis­stjórn tekur við á morgun, fimmtudag. Miðað við þær upplýsingar, sem fyrir liggja eftir fundi í stofnunum hinna nýju stjórnar­flokka í gærkvöldi er ljóst að formlegt hlé verður gert á viðræðum við Evrópu­sambandið um aðild, sem staðið hafa frá sumrinu 2009 og þær verða ekki teknar upp aftur nema þjóðin hafi tekið ákvörðun um það í þjóðar­atkvæða­greiðslu. Jafnframt má gera ráð fyrir skv.

 
 
    Um Evrópuvaktina     RSS