Vandræðagangur stjórnarflokkanna snýst ekki um aðildarumsóknina heldur þjóðaratkvæðagreiðsluna
Ríkisstjórnin virðist eiga eitthvað erfitt með að átta sig á hvernig hún eigi að taka á þeim mótbyr, sem hún varð fyrir í kjölfar þess að þingsályktunartillaga utanríkisráðherra um afturköllun aðildarumsóknar að ESB var lögð fram. Í hugleiðingum hennar um það mál er mikilvægt að hafa eftirfarandi í huga:
Sá mótbyr byggist ekki á því að dregið hafi úr andstöðu við aðild að Evrópusambandinu. Hann snýst um klaufagang stjórnarflokkanna varðandi það hvernig þeir vilji standa við gefin loforð um aðkomu þjóðarinnar að málinu.
Það mátti finna strax eftir síðustu þingkosningar að skiptar skoðanir voru meðal þingmanna stjórnarflokkanna um þjóðaratkvæðagreiðslu. Þar var ekki um að ræða skoðanamun á milli flokkanna tveggja heldur skiptar skoðanir þingmanna í báðum flokkum sem einstaklinga.
Rökin fyrir því að draga aðildarumsóknina að Evrópusambandinu til baka eru augljós og þarf ekki að endurtaka. Hitt er ljóst að í öllum flokkum eru skoðanir skiptar um þjóðaratkvæðagreiðslur, sem eiga vaxandi fylgi að fagna í lýðræðisríkjum Vesturlanda sem aðferð til þess að gera út um ágreiningsmál. Nægir þar að vísa til fyrirheits Camerons, forsætisráðherra Breta um þjóðaratkvæðagreiðslu þar í landi um afstöðu Breta til aðildar að ESB.
Efasemdir í öllum flokkum um þessa aðferð kom skýrt fram í því að hvorki Samfylking eða Vinstri grænir voru tilbúnir til að fallast á þjóðaratkvæðagreiðslu um það grundvallaratriði, hvort sækja ætti um aðild að Evrópusambandinu. Flokkarnir tveir beittu meirihluta sínum á Alþingi til þess að fella tillögu þar um sumarið 2009. Efasemdir í núverandi stjórnarflokkum koma fram í vandræðagangi þeirra að undanförnu.
Það er tímabært að flokkarnir tveir, sem nú standa að stjórn landsins, efni til alvarlegra umræðna á sínum vígstöðvum um hvernig þeir ætla og vilja standa við gefin fyrirheit um aðkomu þjóðarinnar að þessu máli og geri þjóðinni að svo búnu grein fyrir sínum sjónarmiðum.
Deilurnar innan flokkkanna snúast ekki um það efni málsins hvort draga eigi aðildarumsóknina til baka. Þær snúast um hvort og þá með hvaða hætti og hvenær þjóðaratkvæðagreiðsla fari fram.
Styrmir Gunnarsson er lögfræðingur og fyrrverandi ritstjóri Morgunblaðsins. Hann hóf störf sem blaðamaður á Morgunblaðinu 1965 og varð aðstoðarritstjóri 1971. Árið 1972 varð Styrmir ritstjóri Morgunblaðsins, en hann lét af því starfi árið 2008.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- Í pottinumEasy-Jet fækkar ferðum London-Moskva um helming
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumAðild að Evrópusambandinu jafngildir aðför að fæðuöryggi Íslendinga
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
Rússar láta Finna finna fyrir sér
Það hefur ekki farið fram hjá lesendum Evrópuvaktarinnar að umræður í Finnlandi um öryggismál Finna hafa aukizt mjög í kjölfarið á deilunum um Úkraínu. Spurningar hafa vaknað um hvort Finnar eigi að gerast aðilar að Atlantshafsbandalaginu eða láta duga að auka samstarf við Svía um öryggismál.
ESB-þingkosningar og lýðræðisþróunin
Kosningar til ESB-þingsins eru í Bretlandi og Hollandi fimmtudaginn 22. maí og síðan í hverju ESB-landinu á eftir öðru þar til sunnudaginn 25. maí. Stjórnvöld í Bretlandi og Hollandi hafa lagt áherslu á nauðsyn þess að dregið verði úr miðstjórnarvaldi ESB-stofnana í Brussel í von um að andstaða þeir...
Þjóðverjar vilja ekki aukin afskipti af alþjóðamálum
Þýzkaland er orðið öflugasta ríkið í Evrópu á ný. Þýzkaland stjórnar Evrópusambandinu. Þar gerist ekkert, sem Þjóðverjar eru ekki sáttir við. Í þessu samhengi er niðurstaða nýrrar könnunar á viðhorfi almennings í Þýzkalandi til afskipta Þjóðverja af alþjóðamálum athyglisverð en frá henni er sagt í fréttum Evrópuvaktarinnar í dag.
Þáttaskil í samskiptum NATO við Rússa - faðmlag Rússa og Kínverja - ógn í Norður-Íshafi?
Anders Fogh Rasmussen, framkvæmdastjóri Atlantshafsbandalagsins (NATO) var ómyrkur í máli um Rússa á reglulegum blaðamannafundi sínum í Brussel mánudaginn 19. maí. Hann sagði að viðleitni þeirra til að sundra Úkraínu hefði skapað „algjörlega nýja stöðu í öryggismálum Evrópu“. Það sem gerðist um þess...