Föstudagurinn 30. apríl 2010

Ísafold gegn ESB mótmælir stefnu ASÍ í tilefni 1. maí

Ísafold félag ungs fólks gegn ESB aðild mótmælir stuðningi ASÍ við Evrópu­sambandsumsókn íslensku ríkis­stjórnar­innar.

Evru-efasemdir aukast í Frakklandi

„Evru-efasemdir“ eru að aukast í Frakklandi að sögn franska blaðsins Le Monde. Forystumenn stjórnar og stjórnar­andstöðu leggja höfuðkapp á að forðast að gríska krísan hafi of víðtæk áhrif. Innan allra flokka óttist menn, að krísan ýti undir efasemdir í garð Evrópu­sambandsins.

Ashton sögð á barmi afsagnar

Cathy Ashton, utanríkis­ráðherra ESB, er á barmi afsagnar að sögn breska blaðsins The Daily Telegraph. Blaðið vitnar í nána samstarfs Ashtons, sem segja, að hún kunni að segja af sér embætti sínu inna fárra mánaða. Hún taki gagnrýni á sig og störf sín nærri sér. Vitnað er í ónefndan embættismann framkvæmda­stjórnar ESB, sem sagði: „Hún á dag hvern undir högg að sækja.

Mannréttindaskrá ESB ekki flutt í bundnu máli

Viviane Reding, dómsmála­stjóri Evrópu­sambandsins, hefur drepið hugmynd um, að mannréttindaskrá Evrópu­sambandsins verði breytt í 80 mínútna langt ljóð til flutnings á opinberum vettvangi. Telur Reding, sem einnig er mannréttinda­stjóri ESB, að áform um þetta séu aðeins til marks um tíma- og peningasóun.

Evrópski umboðsmaðurinn krefst aukins gegnsæis

Evrópski umboðsmaðurinn, P. Nikiforos Diamandouros, hefur hvatt stjórnendur Evrópu­sambandsins til að auka gegnsæi í störfum sínum og koma betur fram við borgara ESB-ríkjanna. Á árinu 2009 snerust 39% kvartana, sem umboðsmanninum bárust, um skort á gegnsæi, þar á meðal að hafnað væri að láta af hendi...

Mótmæli og táragas í Aþenu

Lög­reglan notaði táragas í Aþenu í morgun til þess að koma í veg fyrir að mótmælendur ryddust inn í fjármála­ráðuneytið. Einhver mótmæli voru fyrir utan þinghúsið í gærkvöldi. Mótmælin í morgun komu í kjölfar fundar Papandreou, forsætis­ráðherra Grikklands með verkalýðsleiðtogum, þar sem hann kynnti fyrir þeim fyrirhugaðar aðhaldsaðgerðir.

Grísk krísa-evrópskur sorgarleikur

Joschka Fischer, fyrrverandi utanríkis­ráðherra Þýzkalands, segir að gríska kreppan geti breytzt í evrópskan sorgarleik.

24 milljarða evra aðhaldsaðgerðir í Grikklandi -laun fryst í 3 ár

Grísk stjórnvöld samþykktu í gær 24 milljarða evra aðhaldsaðgerðir til þess að tryggja sér margra milljarða evra lánveitingu frá Evrópu­sambandinu og Alþjóða gjaldeyris­sjóðnum. Laun í opinbera geiranum verða fryst í 3 ár. Fjárlagahallinn verður skorinn niður um 10-11% af landsframleiðslu á þremur árum.