Miðvikudagurinn 2. júní 2010

Balkanríki óttast vaxandi áhugaleysi á ESB-stækkun

Innan Evrópu­sambandsins á sú skoðun vaxandi hljómgrunn, að stíga beri varlega til jarðar við frekari stækkun sambandsins, þegar jafnmikil óvissa ríki í ríkisfjármálum og peningamálum og nú er raunin. Fyrir utan Ísland knýja ríki á Balkanskaga á um aðild.

ESB og Rússar vinna saman að nútímavæðingu

Niðurstaða 25. leiðtogafundar Rússlands og ESB, sem haldinn var í borginni Rostov við Don í Rússlandi 31. maí til 1. júní var, að samkomulag náðist um samstarf í þágu nútímavæðingar til hagsbóta fyrir íbúa beggja aðila, eins og segir í tilkynningu að fundinum loknum. Í tilkynningunni segir einnig...

Grænir skattar innan ESB í endurskoðun

Evrópu­sambandið hefur í hyggju að endurskoða svo­nefnda græna skatta innan ESB, sem eru mismunandi eftir ríkjum og stundum mótsagnakenndir, þannig að þeir hvetja í sumum tilvikum til aukinnar mengunar. Skattar þessir nema um 240 milljörðum evra á ári.

Hluta­bréf falla enn

Hluta­bréf halda áfram að falla í Evrópu og kom það sérstaklega fram í verði hluta­bréfa í bönkum og BP-olíu­félaginu að sögn Reuters í morgun. Snemma í morgun hafði vísitala, sem mælir verð bréfa í Evrópu lækkað um 0,7%.

Evran hægir á hagvexti segir Klaus

Hagvöxtur í þeim ríkjum, sem tilheyra evru­svæðinu hefur ekki verið minni síðustu fjóra áratugi eða svo en frá því að þessi ríki tóku upp evru. Þetta kemur fram í grein eftir Vaclav Klaus, forseta Tékklands í Wall Street Journal í dag.

Atvinnuleysi á evru­svæðinu meira en nokkru sinni fyrr

Atvinnuleysi á evru­svæðinu hefur aldrei verið meira en í apríl sl.

Barnier kynnir strangari reglur um mats­fyrirtækin í dag

Í dag er gert ráð fyrir, að Michel Barnier, sem fjallar um innri markaðinn og fjármálaþjónustu í framkvæmda­stjórn ESB kynni tillögur um strangari reglur fyrir lánshæfismats­fyrirtæki. Búist er við að Barnier leggi til að ein af nýjum eftirlits­stofnunum Evrópu­sambandsins sjái um skráningu lánshæfismatsfyrirtækja og eftirlit með starfsemi þeirra.