Miðvikudagurinn 9. júní 2010

ESB sakað um að ýta Tyrkjum frá Vesturlöndum

Robert Gates, varnarmála­ráðherra Bandaríkjanna, lýsti miðvikudaginn 9. júní áhyggjum yfir því, að samskipti Ísraela og Tyrkja hefðu versnað og kenndi Evrópu­sambandinu um, að ýta Tyrkjum á brott frá Vesturlöndum með því að draga aðildar­viðræður við þá á langinn. Ummæli Gates, sem féllu á fundi með...

ESB-efa­hyggjumaður sigurstranglegur í Hollandi

Líklegt er talið, að fyrsti „frjálslyndi“ stjórnmálaforinginn síðan í fyrri heimsstyrjöldinni, Mark Rutte, verði næsti forsætis­ráðherra Hollands að loknum kosningunum, sem fram fara í landinu í dag, miðvikudag 9. júní. Hér er orðið „frjálslyndur“ sett innan gæsalappa, því að Rutte er að sögn frét...

Óljós afboðun fundar Merkel og Sarkozy

Fjölmiðlar telja það enn til marks um spennuna í samskiptum Angelu Merkel og Nicolas Sarkozys, Frakklandsforseta, að kvöldverðarfundi þeirra í Berlín mánudaginn 7. júní var aflýst á síðustu stundu. Franskir blaðamenn voru þegar komnir til Berlínar og biðu komu forsetans, þegar þeim bárust fréttir um...

Hækkun í Evrópu

Hluta­bréf í Evrópu hækkuðu í morgun og höfðu á fyrstu klukkustundum viðskipta hækkað um 0,8% að sögn Reuters. Hið sama gerðist í Asíu í nótt og var það rakið til jákvæðra frétta um aukningu á útflutningi Kínverja. Hins vegar féll Nikkei-vísitalan og hefur ekki verið lægri í 6 mánuði.

Hörð átök um Volker-regluna

Hörð átök standa nú yfir á Bandaríkjaþingi um Volker-regluna svo­nefndu, sem kennd er við Paul Volker, fyrrverandi seðlabanka­stjóra Bandaríkjanna, en henni er ætlað að banna bönkum að stunda áhættusöm viðskipti og fjárfestingar. Talið er að verði Volker-reglan að lögum muni hún draga mjög úr hagnaði stórfyrirtækja á borð við Goldman Sachs og Morgan Stanley.

Fjármálakreppan í Evrópu getur haft áhrif í Asíu

Einn af æðstu stjórnendum Alþjóða gjaldeyris­sjóðsins, Naoyuki Shinohara, varaði við því á fundi í Singapore í gær, að fjármálakreppan í Evrópu gæti haft áhrif á stöðu efnahagsmála í Asíu. Shinohara sagði líka, að þótt Asíuríki drægju að sér fjármagn um þessar mundir gæti það breytzt snögglega og fjárstreymið beinast í aðrar áttir.

Verðbólgan í Grikklandi þreföld á við evru­svæðið

Grikkir standa nú frammi fyrir stórvaxandi verðbólgu. Í maímánuði mældist árshraði verðbólgunnar í Grikklandi 5,4% sem er þrisvar sinnum meiri verðbólga en að meðaltali á evru­svæðinu. Í aprílmánuði var verðbólguhraðinn í Grikklandi 4,8% á ársgrundvelli. Þetta er mesta verðbólga í Grikklandi í 13 ár og er talinn auka mjög á vandamál almennings í landinu við að ná endum saman.

Stefnir í stórátök milli Breta og ESB um fjárlaga­eftirlit

Nú virðist stefna í stórátök á milli Breta og annarra ESB-ríkja vegna tillögu, sem fyrir liggur um að aðildarríkin verði að leggja drög að fjárlögum hvers árs fyrir ESB hálfu ári áður en fjárlaga­frumvarp er lagt fyrir viðkomandi þjóðþing.

Þýski stjórnlagadómstóllinn skoðar evru-björgunar­sjóðinn

Þýski stjórnlagadómstóllinn í Karlsruhe fjallar nú um kröfu um lögbann, sem lýtur að spurningunni um, hvort þýska stjórnar­skráin heimili ríkis­stjórn Þýskalands að ganga í ábyrgð vegna 750 milljarða evru björgunar­sjóðsins í þágu evrunnar. Af hálfu ríkis­stjórnar­innar er því haldið fram, að um pólitíska yfirlýsingu sé að ræða en ekki bindandi alþjóða­samning.