Fimmtudagurinn 26. ágúst 2010

Eurobarometer: aðeins 19% Íslendinga telja ESB-aðild til bóta

Aðeins 19% svarenda hér á landi trúa því, að ESB-aðild verði landi og þjóð til bóta (a good thing) samkvæmt fyrstu könnun á vegum Eurobarometer á afstöðu Íslendinga til ESB, sem var birt fimmtudaginn 26. ágúst. 45% telja að ESB-aðild yrði til tjóns (bad thing). Þá sýnir könnunin, að aðeins 29% svare...

Ekki nægur mannafli í landbúnaðar­ráðuneyti til að sinna aðlögunarkröfum ESB

Sjávar­útvegs- og landbúnaðar­ráðuneytið hefur ekki næga burði til að mæta kröfum ESB um stjórnsýslu að því er landbúnað og þróun búsetu í dreiflýli varðar. Vill framkvæmda­stjórn ESB, að úr þessu sé bætt samhliða aðlögunarviðræðunum við Ísland. Þá þarf að koma á fót greiðslu­stofnun vegna landbúnaðar- og dreifbýlisstyrkja ásamt kerfi til eftirlits með greiðslu og nýtingu styrkjanna.

Frakkar lýsa áhuga á skattakerfi Þjóðverja

Frakkar íhuga nú að laga fjárlaga- og skattakerfi sitt meira að þýzka kerfinu, sem þeir telja, að hafi gefizt einstaklega vel að því er fram kemur á vefmiðlinum euobserver í dag. Fjárlaga­ráðherra Frakka hefur verið í heimsókn í Þýzkalandi og telur að sú samstaða, sem tekizt hafi þar í landi um hvernig eigi að draga úr hallarekstri fjárlaga sé mjög til eftirbreytni.

Uppreisn í flokkskerfi Vinstri grænna?

Svo virðist sem uppreisn sé í aðsigi í flokkskerfi Vinstri grænna ef marka má ummæli forystumanna nokkurra flokks­félaga VG í Morgunblaðinu í dag.

Aðlögun umsóknarríkis fer fram undir nánu eftirliti framkvæmda­stjórnar ESB

“Samkvæmt upplýsingum af heimasíðu Evrópu­sambandsins er ljóst, að það ferli, sem Ísland er í og hófst með umsókn um inngöngu í sambandið á síðasta ári, hefur það að markmiði að gengið verði þar inn.