Miðvikudagurinn 1. september 2010

Grænfriðungar hanga í borpalli við Grænland - segjast ekki á förum

Það kostar breska olíu­félagið Cairn Energy 120 milljónir íslenskra króna á sólarhring, að ekki sé neitt borað á palli þess undan strönd Vestur-Grænlands, þar sem fjórir aðgerðasinnar Greenpeace, grænfriðunga, hafa búið um sig í óleyfi. Þeir hafa nú verið í 30 klukkstundir á borpallinum.

Ítalir vilja ræða ESB-greiðslur til Líbýu til að stöðva straum innflytjenda

Franco Frattini, utanríkis­ráðherra Ítalíu, segir, að fulltrúar ESB muni í nóvember ræða tillögu frá Muammar Gaddafi, einræðisherra í Líbýu, um að ríki ESB greiði ríkis­stjórn hans 5 milljarði evra á ári fyrir að stöðva ólöglegan straum fólks frá Afríku til ESB-ríkja. „Spurningin um 5 milljarðana hefur aldrei verið rædd.

ESB stóreykur veiðisókn á mið utan eigin lögsögu

ESB-ríkin eru sjálfum sér nóg um fisk af eigin miðum í innan við hálft ár á hverju ári. Til að fullnægja ársþörf fiskneyslu í aðildarríkjunum þurfa þau því að sækja æ meira á mið utan eigin fiskimiða. Landanir fiskiskipa ESB-ríkja, sem stunda veiðar í Miðjaðar- eða Atlantshafi hafa dregist saman um 30% á síðustu tíu árum.

NYTIMES: Getur banki sett ríki á hausinn?

Getur einn banki sett ríki á hausinn? Þannig spyr New York Times í morgun í grein um vandamál Íra vegna írska bankans, Anglo Irish Bank og vísar til þess að ekkert ríki utan Ísland hafi orðið fyrir jafn miklum búsifjum vegna fjármálakreppunnar og Írland. Blaðið bendir á, að Írland hafi tekizt á við vandann með því að horfast í augu við hann og flutt töpuð útlán yfir í bækur hins opinbera.

Staða ESB-andstæðinga sterkari í ríkis­stjórn með tilkomu Ögmundar

Fari sem horfir um breytingar á ríkis­stjórn er ljóst, að staða eindreginna andstæðinga ESB-aðildar innan Vinstri grænna styrkist mjög. Nú má telja víst, miðað við fréttir Morgunblaðsins og Fréttablaðsins í morgun og ljósvakamiðla í gærkvöldi, að Ögmundur Jónasson taki sæti í ríkis­stjórn á ný og Álfheiður Inga­dóttir hverfi úr ráðherraembætti.