Mánudagurinn 4. október 2010

Skattar og ESB-aðild ógna fríhafnarrekstri í Leifsstöð

Eftir að Steingrímur J. Sigfússon, fjármála­ráðherra, boðaði, að hann hefði til skoðunar að leggja virðisaukaskatt á vörur í fríhöfninni í Leifsstöð, óttast Suðurnesjamenn enn frekara atvinnuleysi í byggðarlagi sínu. Telja sumir þeirra sig sjá fingraför Össurar Skarphéðinssonar, utanríkis­ráðherra, á ...

Rússar auka hernaðarmátt sinn í Norður-Íshafi

Rússar eru að auka hernaðarmátt sinn í Norður-Íshafi og við norðurskauts­svæðið með nýjum skipum og bækistöðvum, sagði Vladmir Vysotskij, yfirmaður rússneska flotans við RIA Novosti-fréttastofuna laugardaginn 2. október. „Í samræmi við áætlanir rússneska hersins um strategískan fælingarmátt munum vi...

Svíþjóðar­demókratar réðu úrslitum við kjör sænsks þingforseta

Svíþjóðar­demókratar tryggðu minnihluta­stjórn Fredriks Reinfeldts forseta sænska þingsins í kosningu um forsetann í upphafi þings 4. október. Per Westerberg var endurkjörinn þing­forseti. Þetta er fyrsta sinn, sem gengið er til atkvæða í sænska þinginu eftir kosningarnar 19. september, þar sem reynir...

Lene Espersen biður danska þingið afsökunar vegna óskýrra svara

Lene Espersen var endurkjörin með lófataki sem formaður danska Íhalds­flokksins á fundi landsráðs hans í Álaborg 3. október. Á fundinum baðst hún afsökunar á því að hafa gefið danska þinginu rangar upplýsingar um fjár­greiðslur til einkasjúkrahúsi. Mánudaginn 4. október ritaði hún síðan afsökunar­bréf ...

Kínverjar auka enn tengsl við Grikki með nýjum samningum

Wen Jiabao, forsætis­ráðherra Kína, heimsótti Grikkland 2. og 3. október til að árétta áhuga Kínverja á því að efla tengsl við Grikki, kaupa skulda­bréf þeim til aðstoðar í fjármálakreppunni og skrifa undir viðskiptasamninga. Kínverjar líta á Grikkland sem hlið að Evrópu og Balkanlöndunum. „Kínverja...

Hryðjuverkaógn beinist að Svíþjóð, Frakklandi og Þýzkalandi

Svíþjóð er eitt þriggja Evrópu­landa, sem talin eru í mestri hættu vegna árása hryðjuverkamanna, sem stjórnvöld í Bandaríkjunum og Bretlandi hafa varað við síðustu daga. Er talið að mesta hætta sé á árásum í Svíþjóð, Frakklandi og Þýzkalandi. Þetta kemur fram á euobserver í dag. Svíar hækkuðu hættustigið sl. föstudag. Frakkar gerðu það sama fyrir hálfum mánuði.

Stórvandræði hjá spænskum sveitarfélögum

Sveitarfélög á Spáni eiga í stórvandræðum. Fyrir nokkrum árum rökuðu þau inn peningum vegna mikillar eftirspurnar eftir lóðum og mikillar grózku í byggingariðnaði. Nú er byggingariðnaðurinn lamaður, húsin standa hálfkláruð og tóm og sveitarfélögin sitja uppi með miklar skuldir. Wall Street Journal segir, að sveitarfélögin séu næstu vígstöðvar fjármálakreppunnar.

Kínverjar styðja evruna

Wen Jiabao, forsætis­ráðherra Kína lýsti því yfir um helgina, að Kínverjar mundu standa við bakið á evrunni með því að kaupa skulda­bréf, sem gefin eru út í evrum. Forsætis­ráðherrann sagði að Kínverjar mundu ekki draga úr evrueign sinni og sagði jafnvel að Kínverjar mundu kaupa skulda­bréf, sem ríkis­stjórn Grikklands gæfi út.

Telegraph: Ríki Suður-Evrópu að deyja úr köfnun

Ríkin í Suður-Evrópu munu smátt og smátt deyja úr köfnun og ríkin í Norður-Evrópu, Bretland og Bandaríkin sigla inn í langvarandi samdráttarskeið.