Miðvikudagurinn 20. október 2010

Efla verður bandarísku strandgæsluna á norðurslóðum segir flotaforingi hennar

Bandaríska strandgæslan þarf tæki og aðstöðu á norðurslóðum til að fylgja eftir yfirráðarétti Bandaríkjanna og bregðast við meiri mannaferðum en áður, segir yfirmaður strandgæslunnar í Alaska. Í Alaska hafa Bandaríkjamenn sérstakar áhyggjur af auknum siglingum Rússa í Norður-Íshafi.

Evrópu­nefnd ráðherra hefur stöðvað styrkumsóknir ráðuneyta frá ESB

Árni Þór Sigurðsson, vinstri-grænn (VG), formaður utanríkis­mála­nefndar alþingis, lýsti yfir því í umræðum á alþingi þriðjudaginn 19. október, að ákveðið hefði verið í ráðherra­nefnd um Evrópumál að stöðva allar umsóknir um svo­nefnda IPA-styrki til aðlögunar frá Evrópu­sambandinu. Hann sagði jafnframt,...

ESB fellur frá málsókn á hendur Frökkum fyrir brottvísun Sígauna

Framkvæmda­stjórn ESB hefur afturkallað hótun sína um málaferli gegn frönskum stjórnvöldum með þeim orðum, að þau hafi svarað athugasemdum hennar vegna brottvísun Sígauna á „jákvæðan hátt“. Framkvæmda­stjórnin segir, að hún munu „að svo stöddu ekki stofna til málsóknar gegn Frakklandi.“ Frakkar hafa...

AGS: nýju ríkin í ESB verða líka að skera niður

Alþjóða­gjaldeyris­sjóðurinn segir að ný aðildarríki ESB í austurhluta Evrópu verði að skera niður opinber útgjöld til þess að lenda ekki í sömu stöðu og Grikkland. Samdráttur í efnahagslífi þessara ríkja nam 6% á síðasta ári en nú er gert ráð fyrir hagvexti í þeim á næstu árum.

Mervyn King hvetur til hugarfarsbreytingar í fjármálum

Mervyn King, banka­stjóri Englandsbanka, hvetur til hugarfarsbreytingar í Bretlandi gagnvart peningum.

Sérstakur ESB-skattur á alla þegna aðildarríkja í undirbúningi

Forráðamenn Evrópu­sambandsins í Brussel hafa nú í fyrsta sinn lagt fram tillögur um sérstakan ESB-skatta á alla þegna aðildarríkja ESB til viðbótar þeim sköttum, sem hver og einn greiðir í sínu heimalandi.