Laugardagurinn 11. desember 2010

Samgöngu­ráðherra Skota segir af sér vegna fannfergis og umferðartafa

Samgöngu­ráðherra Skotlands hefur sagt af sér eftir að hafa verið harðlega gagnrýndur vegna lélegra viðbragða hans við samgönguöngþveiti í landinu vegna snjókomu. Í síðustu viku var mikilvægustu flugvöllum Skotlands lokað vegna snjóa og lestarferðir hafa verið stopular auk tíðra seinkana. Verulegur hluti hraðbrautarinnar milli Edinborgar og Glasgow var lokaður.

Veðjið ekki gegn evrunni, segir Schäuble

Wolfgang Schäuble, fjármála­ráðherra Þýskalands, hefur varað spákaupmenn á fjármála­markaði við því að taka stöðu gegn evrunni í aðdraganda leiðtogafundar ESB-ríkjanna í næstu viku þar sem enn á að leitast við að styrkja stöðu hinnar sameiginlegu myntar.

Stieglitz: Peningarnir notaðir í Asíu-ekki í Bandaríkjunum

Jósep Stieglitz, Nóbelsverðlauna­hafi í hagfræði, segir í Daily Telegraph í dag, að það nýja fjármagn, sem Seðlabanki Bandaríkjanna sé að veita út í efnahagslífið verði ekki notað vestan hafs til þess að auka þrótt efnahagsstarfseminnar þar heldur verði það sent til Asíulanda, þar sem það leiti betri ávöxtunar.

WSJ ber saman Ísland og Lettland

Wall Street Journal birtir grein í dag, þar sem gerður er samanburður á framvindu efnahagsmála Íslandi og í Lettlandi eftir fjármálahrunið 2008 en gjaldmiðill Lettlands hefur verið tengdur evrunni. Með þessum samanburði leitar blaðið svara við því, hvort hagstæðara sé fyrir ríki við þessar aðstæður að búa við eigin gjaldmiðil eða evruna eða gjaldmiðil, sem er fasttengdur evrunni.

Samræma skattakerfi Þýzkalands og Frakklands

Angela Merkel og Nicholas Sarkozy stefna að því að samræma skattakerfi Frakklands og Þýzkalands samkvæmt því, sem fram kom á fundi þeirra í Freiburg í gær. Bæði hafa hafnað kröfum um að stækka neyðar­sjóðinn eða standa að sameiginlegri skulda­bréfaútgáfu evruríkja.

Noregur og ESB komast að samkomulagi um makrílkvóta

Tvíhliða viðræður fulltrúa Noregs og ESB hafa leitt til niðurstöðu þeirra um makrílveiði í Norðaustur-Atlantshafi árið 2011. Leyfilegur heildarafli verður samkvæmt því 646 þúsund tonn. Hið umsamda veiðimagn er innan þeirra marka sem byggist á vísindalegum rannsóknum og er byggt á vísindalegri ranns...