Föstudagurinn 31. desember 2010

Eistlendingar taka upp evru 1. janúar 2011 - 16% atvinnuleysi

Eistlendingar taka upp evru 1. janúar 2011 og verða 17 evru-þjóðin. Eistland er fyrsta fyrrverandi lýðveldi innan Sovétríkjanna til að taka um evru. Nýjasta könnun í Eistlandi sýnir að meirihluti þjóðar­innar vill hina nýju mynt. Andrus Ansip, forsætis­ráðherra Eistlands, mun sækja sér evrur í hraðb...

Merkel tekur upp hanskann fyrir evruna í áramótaávarpi

Angela Merkel, kanslari Þýskalands, varði evruna í áramótaávarpi sínu til þýsku þjóðar­innar. Hún sagði hana nátengda „velgengni“ Þýskalands. „Evrópa stendur nú frammi fyrir mikilli prófraun. Við verðum að styrkja evruna. Það snýst ekki aðeins um peninga. Evran er miklu meira en gjaldmiðill,“ sagði Merkel. „Til allrar hamingju erum við Evrópu­búar nú sameinaðir.

Eistar taka upp evru á miðnætti

Eistar taka upp evru á miðnætti í nótt. Nokkrum mínútum eftir miðnætti mun Andrus Ansip, forsætis­ráðherra taka nokkrar evrur út úr hraðbanka og þar með er Eistland orðið evruríki, hið sautjánda í þeim hópi. Gjaldmiðill Eista hefur frá 1992 verið tengdur, fyrst þýzka markinu og síðan evrunni en Eistar hættu að nota rúbluna sem gjaldmiðil það ár.

IPA-styrkir til Íslands um bakdyrnar

Fréttablaðið upplýsir í dag að ríkis­stjórnin undirbúi að taka við svo­nefndum IPA-styrkjum frá Evrópu­sambandinu inn um bakdyrnar. Fundin hafi verið það sem blaðið kallar „hjáleið“ til þess að koma þessum peningum inn í landið. Sú hjáleið felst í því að samninga­nefndin við ESB sæki um styrkina fyrir Íslands hönd í stað einstakra ráðuneyta.