Miðvikudagurinn 17. ágúst 2011

Þýskur dómur breytist í þágu Samsung gegn Apple

Héraðsdómi í Düsseldorf í Þýskalandi sem í síðustu setti lögbann í ESB-löndum á sölu Galaxy Tab 10.1 spjaldtölvunnar frá Samsung að kröfu Apple var breytt þriðjudaginn 16. ágúst og nú er ekki lengur í gildi bann við sölu á Samsung-spjaldtölvum í ESB-ríkjunum utan Þýskalands. Þá hefur sérstakt lög...

Gorbatsjov harorður í garð Pútíns og Medvedevs - telur lýðræði ábótavant

Nú þegar þess er minnst að 20 ár eru liðin frá því að misheppnuð tilraun var gerð til að velta Mikhail Gorbatsjov, þáverandi leiðtoga Sovétríkjanna, úr stóli fagnar hann ekki þróun mála í Rússlandi. Hann varar við því að pólitíski hópurinn sem stjórnar landinu núna geri sömu mistök og Kremlverjar gerðu á tíma Sovétríkjanna og beiti einokun við stjórn landsins.

Þögn um samningsmarkmið Íslands eftir fund utanríkis­mála­nefndar - formaðurinn áréttar þagnarskyldu

Utanríkis­mála­nefnd alþingis kom saman til fundar þriðjudaginn 16. ágúst. Fyrr í sumar höfðu forystumenn stjórnar­andstöðu­flokkanna krafist fundar í nefndinni til að þjóðin fengi upplýsingar um hvað byggi að baki yfirlýsingum utanríkis­ráðherra og forsætis­ráðherra í Brussel og Berlín. Eftir fund nefnda...

Obama óttast helst árás „einmana úlfs“ að hætti Breiviks

Barack Obama, forseti Bandaríkjanna, telur að árás „einmana úlfs“ að hætti Norðmannsins Anders Behrings Breiviks sé mesta hryðjuverkaógnin í Bandaríkjunum um þessar mundir. „Alvarlegasta tilvikið sem við eigum á hættu og verðum að vernda okkur gegn einmitt nú er aðgerð “einmana úlfs„ frekar en skipulögð, samhæfð árás margra manna,“ segir Obama við CNN-sjónvarpsstöðina.

Finnar segja sig frá aðild að neyðarláni II til Grikklands-Austurríki fylgir í kjölfarið

Gríski vefmiðillinn Ekathimerini segir að Finnar hafi í raun sagt sig frá þátttöku í björgunarláni II við Grikkland. Þetta hafi verið gert með samkomulagi á milli Evangelos Venizelos, efnahags­ráðherra Grikklands og Juttu Urpilainen, fjármála­ráðherra Finnlands. Samkomulagið feli í sér að í raun séu Finnar hættir þátttöku en þeir áttu að leggja fram einn milljarð evra.

Óánægja innan PASOK-„Erum að þurrka út grískt sam­félag“

Óánægja er vaxandi innan PASOK, flokks Papandreou, forsætis­ráðherra Grikklands vegna aðhaldsaðgerða stjórnvalda, sérstaklega að því er varðar opinbera starfsmenn. Ekathimerini, gríski vefmiðillinn segir að einn af trúnaðarmönnum flokksins hafi sagt að ríkis­stjórnin væri veruleikafirrt og væri að þurrka úr grískt sam­félag.

Neikvæð viðbrögð fjármála­markaða við niðurstöðum Merkel og Sarkozy

Viðbrögð við niðurstöðum fundar Angelu Merkel og Nicholas Sarkozy í gær eru almennt neikvæð. Hlutabréfa­markaðir í Evrópu lækkuðu í morgun. Þeir eru á stöðugri hreyfingu en á tímabili hafði London lækkað um rúmlega 1%, Frankfurt heldur meira og París minna. Ambrose Evans-Pritchard segir í Daily Telegraph í morgun, að leiðtogarnir tveir hafi komið tómhentir frá fundinum.