Fimmtudagurinn 18. ágúst 2011

Mikið fall á mörkuðum í dag-áhyggjur af stöðu evrópskra banka

Mikið fall hefur orðið á mörkuðum beggja vegna Atlantshafs í dag.

Danmörk: Seðlabanki Íslands liggur undir grun um skortsölu til að verjast vegna Pandoru-hrunsins

„Seðlabanki Íslands vill ekki neita því að hann hafi varið sig gegn tapi á Pandoru með skortsölu.

Danskir sér­fræðingar: Tortryggni eykst í bankaviðskiptum - ekki ástæða til ofurviðbragða

Tortryggni eykst á alþjóðlegum peningamörkuðum og vart verður við vaxandi hik í viðskiptum sem getur fækkað leiðum til endurfjármögnunar á bönkum og minnkað handbært fé þeirra segir í Jyllands-Posten fimmtudaginn 18. ágúst. Þar er vitnað til Thomas Hovards, sem er helsti greiningar­fræðingur hjá Dans...

Spænska þingið kallað saman

Spænska þingið hefur verið kallað saman til fundar til þess að samþykkja nýjar aðhaldsaðgerðir stjórnvalda, sem nema 5 milljörðum evra, að því er El Pais, hið þekkta spænska dagblað segir. Blaðið segir að kjarninn í þessum aðgerðum verði að færa fram skatt­greiðslur stórfyrirtækja og draga úr greiðslum til lyfjafyrirtækja. Gert er ráð fyrir að þingið afgreiði þessar aðgerðir á morgun, föstudag.

Þjóðareignir á brunaútsölu í Grikklandi

Áform grískra stjórnvalda um eignasölu eru óljós að sögn ekathimerini, gríska vefmiðilsins. Hið eina sem er ljóst er að fyrir lok september verða 1,3 milljarður evra að vera komin í ríkis­sjóð vegna eignasölu og fyrir lok ársins aðrar 3,3 milljarðar evra. Lánardrottnar Grikklands leggja áherzlu á að þeir standa við gefnar yfirlýsingar í þessu efni.

Atvinnuleysi meðal ungs fólks eykst í Skotlandi

Atvinnuleysi meðal ungs fólks fer vaxandi í Skotlandi að sögn TheScotsman í dag. Þar kemur fram að í júlímánuði voru 45 þúsund skozk ungmenni á aldrinum 18-24 ára á atvinnuleysisbótum og hafði fjölgað um 5000 frá mánuðinum áður.

Seðlabanki Bandaríkjanna hefur áhyggjur af fjármögnun evrópskra banka vestan hafs

Fjármála­markaðir víða um heim halda áfram að endurspegla áhyggjur fjárfesta vegna skorts á hagvexti á heimsvísu, vandamála Bandaríkjanna og erfiðleika evru­svæðisins. Markaðir lækkuðu í Asíu í nótt og í Evrópu í morgun. London hafði lækkað um 1,11%, Frankfurt um 1,45% og París svipað.