Sunnudagurinn 28. ágúst 2011

Frjálsir demókratar neita orðrómi um brottrekstur þýska utanríkis­ráðherrans

Frjálsir demókratar í Þýskalandi hafa neitað því að þeir reyni að losa sig við Guido Westerwelle, utanríkis­ráðherra og fyrrverandi flokksformann. Ráðherrann sætir harðri gagnrýni fyrir að kúvenda í afstöðu sinni til ákvörðunar NATO um íhlutun í Líbíu.

Stjórnmálabandalag íhaldsmanna og róttækra til að styrkja „miðjuna“ í dönskum stjórnmálum

Lars Barfoed, fomaður danska Íhalds­flokksins, og Margarethe Vestager, formaður Róttæka flokksins (De Radikale) hafa gert með sér bandalag um samstarf að loknum þingkosningunum sem verða í Danmörku 15. september. Þau tilkynntu þetta í grein í danska blaðinu Berlingske Søndag sunnudaginn 28. ágúst þre...

Spánn: hagvöxtur hægari

Það hægir á hagvexti á Spáni að sögn spænska dagblaðsins El Pais. Hann var 0,2% á öðrum ársfjórðungi en 0,4% á þeim fyrsta. Samdrátturinn veldur því að erfitt verður fyrir Spánverja að ná markmiðum um 1,3% hagvöxt í ár.

Tveir af stærstu bönkum Grikklands sameinast

Tveir af þremur stærstu bönkum Grikklands eru að sameinast að sögn ekathimerini, gríska vefmiðilsins. Þetta eru Eurobank EFG og Alpha Bank. Fjárfestingar­sjóðir í Qatar munu taka þátt í sameiningunni, sem skapar einn af 25 stærstu bönkum í Evrópu. Stjórnvöld í Grikklandi hafa hvatt til slíkrar sameiningar til þess að styðja við bakið á uppbyggingu í landinu.

Lagarde: Evrópskir bankar verða að auka eigið fé sitt-með opinberu fé ef nauðsyn krefur

Christine Lagarde, for­stjóri Alþjóða gjaldeyris­sjóðsins hvatti til þess í stefnumarkandi ræðu í gær á fundi háttsettra embættismanna og hag­fræðinga, sem Seðlabanki Bandaríkjanna stóð fyrir í Jackson Hole, Wyoming, að evrópskir bankar styrktu fjárhagsstöðu sína með auknu eigin fé, sem æskilegt væri a...