Föstudagurinn 23. september 2011

Fjármála­ráðherra Breta: Evru-ríkin hafa sex vikur til að ná vopnum sínum

George Osborne, fjármála­ráðherra Breta, sagði föstudaginn 23. september í ræðu í Washington að forystumenn evru-svæðisins hefðu sex vikur til að binda enda á pólitískt þref sitt og leysa skuldavandann. Vísaði hann þar til leiðtogafundar G20 ríkjanna sem haldinn verður Cannes í Frakklandi eftir sex...

Ömurleiki er mestur í Venezúela samkvæmt alþjóðlegri vísitölu

Mál standa allra verst í Venezúela af löndum heims samkvæmt ömurleika-vísitölu sem Bloomberg News birtir árlega. Undrun vekur að landið stendur verr að vígi en Portúgal og Grikkland sem þó eru mest undir smásjánni á hluta­bréfamörkuðum um þessar mundir. Ömurleika-vísitalan tekur mið af verðbólgu og atvinnuleysi í viðkomandi landi.

Yfirgnæfandi meirihluti Þjóðverja andvígur neyðar­sjóði evrunnar

Skoðanakönnun á vegum ZDF-sjónvarpsstöðvarinnar í Þýskalandi sýnir að 75 aðspurðra Þjóðverja eru andvígir því að þýska þingið samþykki hinn 29. september nk. að veita nýtt neyðarlán til Grikkja og efla björgunar­sjóð evrunnar. Aðeins 19% sögðust sammála því að Þjóðverjar ykju ábyrgð sína vegna björgu...

Grikkland: Papandreou og Venizelos sitja yfir þingmönnum PASOK

Georg Papandreou, forsætis­ráðherra og Evangelos Venizelos, fjármála­ráðherra, sitja nú yfir einstökum þingmönnum PASOK, flokks sósíalista í Grikklandi til þess að sannfæra þá um að þeir verði að greiða atkvæði með nýjum aðhaldsaðgerðum stjórnvalda.

Aukin bjartsýni á Írlandi

Verg landsframleiðsla jókst á Írlandi á öðrum ársfjórðungi þessa árs um 1,6%. Útflutningur jókst um 1% og eftirspurn um 0,8%. Þetta er í fyrsta sinn, sem svo jákvæðar tölur sjást á Írlandi frá fjármálakreppunni haustið 2008. Engu að síður segir Irish Times, að ástandið á evru­svæðinu varpi skugga á þ...

Spánn: Lóðaverð lækkað um 30%-fasteignir um 22%-bankar í vandræðum

New York Times segir í dag að smærri bankar á Spáni séu í miklum vandræðum vegna lánveitinga til lóðakaupa, fasteignakaupa og bygginga á undanförnum árum og segir að þetta hafi verið staðfest af einum forsvarsmanna Seðlabanka Spánar, Jose Maria Roldan.

Cameron í forystu ríkja, sem krefjast aðgerða af evruríkjunum og Bandaríkjunum

David Cameron, forsætis­ráðherra Bretlands, hefur tekið forystu fyrir hópi ríkja innan G-20 hópsins, sem beinir spjótum sínum að evru­svæðinu og Bandaríkjunum og hvetur þessa tvo aðila til aðgerða til þess að koma í veg fyrir yfirvofandi heimskreppu. Cameron sagði í ræðu á fundi kanadíska þingsins í gær, að efnahagskreppa á heimsvísu væri yfirvofandi væri ekkert að gert.

Hollenzki seðlabanka­stjórinn: Gjaldþrot Grikklands ekki útilokað

Klaas Knot, banka­stjóri Seðlabanka Hollands, sem sæti á í bankaráði Seðlabanka Evrópu segir í viðtali við hollenzka dagblaðið Het Financieele Dagblad, að ekki sé hægt að útiloka greiðslufall Grikklands. Í skýrslu, sem tekin hefur verið saman innan Seðlabanka Evrópu og Jurgen Stark er einn af höfundum að, segir að evran sem gjaldmiðill sé í hættu.