Þriðjudagurinn 11. október 2011

Eftirlitsmenn þríeykisins mæla með útgreiðslu 8 milljarða evra til Grikkja

Alþjóðlegir eftirlitsmenn í þríeykinu frá ESB, Alþjóða­gjaldeyris­sjóðnum (AGS) og Seðlabanka Evrópu segjast hafa náð samkomulagi við Grikki um endurbætur í efnahags- og ríkisfjármálum sem eigi að stuðla að því að efnahags­stjórnin komist á rétta braut.

Mikil fundarhöld hjá leiðtogum evruríkjanna

Barroso, forseti framkvæmda­stjórnar ESB hefur boðað Enda Kenny, forsætis­ráðherra Írlands á sinn fund síðar í vikunni til þess að ræða stöðuna innan myntbandalagsins að sögn Irish Times í morgun. Kenny er andvígur breytingum á Lissabon-sáttmálanum, sem mundu kalla á þjóðar­atkvæða­greiðslu á Írlandi.

Markaðir lækka á ný í Evrópu-Hækkun í Asíu í nótt

Markaðir í Evrópu lækkuðu á ný við opnun í morgun eftir umtalsverða hækkun í gær. Hækkun varð einnig í Asíu í nótt.

60% afskriftir af lánum Grikkja til umræðu

Ambrose Evans-Pritchard, viðskiptarit­stjóri Daily Telegraph, staðfestir í blaði sínu í dag fréttir Financial Times Deutschland, sem sagt var frá hér á Evrópu­vaktinni í gær um hugsanlegar 60% afskriftir af lánum Grikkja. Hann segir að háttsettir embættismenn í Berlín hafi staðfest við sig að frekari afskriftir kæmu til greina.

Þing Slóvakíu greiðir atkvæði síðar í dag

Þing Slóvakíu greiðir atkvæði síðar í dag um heimild til neyðar­sjóðs ESB um að auka umsvif sín. Þing Möltu samþykkti þá breytingu á starfs­reglum sjóðsins í gær og er Slóvakía eina landið, sem eftir er af aðildarríkum myntbandalagsins. Öll ríkin verða að samþykkja til þess að breytingar á starfs­reglum nái fram að ganga. Iveta Radicova, forsætis­ráðherra Slóvakíu, segir skv.