Fimmtudagurinn 13. október 2011

Slóvakar samþykkja stækkun evru-sjóðs - Barroso hyllir Radicovu

Þing Slóvakíu samþykkti fimmtudaginn 13. október, síðast þjóðþinga evru-ríkjanna 17, að leggja fram fé til að stækka björgunar­sjóð evrunnar í 440 milljarða evra. Deilur um stækkun sjóðsins leiddu til stjórnar­slita. Af 150 þingmönnum tóku 146 þátt í atkvæða­greiðslunni og af þeim studdu 114 stækkun sj...

París: Felld niður rannsókn á hendur DSK vegna kæru um nauðgun

Fallið hefur verið frá sakamálarannsókn vegna kæru rithöfundarins Tristane Banon á hendur Dominique Strauss-Kahn, fyrrverandi for­stjóra Alþjóða­gjaldeyris­sjóðsins, fyrir tilraun til nauðgunar.

Framkvæmda­stjórn sátt við ríkis­stjórn Íslands - mörg mál óleyst í ESB-aðlögunarferlinu

Framkvæmda­stjórn ESB ber traust til ríkis­stjórnar Jóhönnu Sigurðardóttur þar sem hún hafi lifað af innri átök.

Finnland: Sorsa sakaður um tengsl við Stasi

Finnskur diplómat, Alpo Rusi, heldur því fram að nafn Kalevi Sorsa, fyrrum forsætis­ráðherra Finnlands og leiðtoga jafnaðarmanna þar í landi, sem dó 2004 hafi verið á svo­nefndum Tiitinen-lista, sem tekin var saman árið 1990 yfir finnska borgara, sem voru í tengslum við Stasi, leyniþjónustu Austur-Þýzkalands.

Umhverfis­samtök: Hætta á stórslysi norðvestur af Shetlandseyjum-olía gæti náð til Noregs

Umhverfisverndar­samtök auka nú mjög þrýsting á brezka olíu­félagið BP að hætta við áform um að bora eftir olíu á svæði, sem er 80 mílur norðvestur af Shetlandseyjum. Telja þau að varúðaráætlanir félagsins sjálfs sýni, að á þessum slóðum gæti orðið umhverfisslys, sem yrði tvöfalt stærra að vöxtum en olíulekinn í Mexikóflóa.

Upplagssvindl afhjúpað hjá Evrópu­útgáfu WSJ

Einn af æðstu stjórnendum Evrópu­útgáfu Wall Street Journal hefur sagt af sér vegna þess að upp hefur komizt um upplagssvindl blaðsins. Blekkingin fólst i því að blaðið sjálft keypti upp töluverðan hluta upplags til þess að gefa til kynna hærri upplagstölur en raunverulega voru til staðar gagnvart auglýsendum. Það er brezka blaðið Guardian, sem með fyrirspurnum hefur knúið þessar upplýsingar fram.

Draghi: Ítalir verða að grípa til harðari aðhaldsaðgerða

Mario Draghi, fráfarandi banka­stjóri Seðlabanka Ítalíu, sem tekur við sem aðalbanka­stjóri Seðlabanka Evrópu í næsta mánuði, segir skv. frásögn Daily Telegraph að Ítalía verði að grípa til enn harðari aðhaldsaðgerða, ef ekki eigi illa að fara. Þær aðhaldsaðgerðir, sem ríkis­stjórn Berlusconi hafi gripið til dugi ekki. Ávöxtunarkrafan á ítölsk skulda­bréf til 10 ára fór yfir 6% í ágúst.

Lækkun í Evrópu-hækkun í Asíu og í Bandaríkjunum

Markaðir í Evrópu opnuðu með lækkun í morgun þrátt fyrir hækkun vestan hafs í gær og í Asíu í nótt.