Föstudagurinn 2. desember 2011

Metár á norðurleiðinni: fleiri skip og meiri farmur en nokkru sinni

Fleiri skip sigldu í Norður-Íshafi, norðurleiðina, fyrir norðan Rússland árið 2011 en áður. Þá var leiðin opin mánuði lengur en venjulega. Fleiri skip en áður notuðu höfnina í Murmansk á leið sinni til annarra landa. Rosatomflot sem sér um rekstur rússneskra kjarnorku-ísbrjóta segir að 34 skip hafi siglt alla norðurleiðina í ár.

Varað við því að Þjóðverjagrýlur séu vaktar upp í Frakklandi

Pierre Moscovici, kosninga­stjóri François Hollande forsetaframbjóðanda franskra sósíalista, sagði við AFP-fréttastofuna föstudaginn 2. desember, að vinstrimenn ættu ekki að á neinn hátt að ýta undir and-þýsk viðhorf. „Gagnkvæmt samstarf Frakka og Þjóðverja er mikilvægara en nokkru sinni fyrr vilji...

Merkel og Sarkozy hefur ekki tekist að stilla saman strengi - ætla enn að ræða saman eftir helgi

Angela Merkel Þýskalandskanslari áréttaði þá skoðun sína í neðri deild þýska þingsins, Bundestag, föstudaginn 2. desember að nú stæðu menn frammi fyrir verstu kreppu síðan evran kom til sögunnar og það tæki mörg ár að vinna sig út úr henni. Hun hvatti til þess að efnahags- og myntsamtarf í Evrópu yr...

Ísland 11. í röðinni á lista um spillingu í opinberri stjórnsýslu

Stofnunin Transparency International hefur sent frá sér skýrslu með mati á spillningarhorfum í opinberri stjórnsýslu í 183 á árinu 2011. Ísland er í 11. sæti á listanum með einkunnina 8,3. Minnst er spilling talin í Nýja Sjálandi sem fær 9,3 í einkunn, þá koma Danmörk og Finnland með 9,4; Svíþjóð 9...

Merkel: Stjórnmálamenn í Evrópu hafa tapað trúverðugleika-tekur mörg ár að leysa evrukreppuna

Angela Merkel, kanslari Þýzkalands hóf fyrir skömmu flutning mikilvægrar ræðu í þýzka þinginu. Hún sagði í upphafi ræðunnar að stjórnmálamenn í Evrópu hefðu tapað trúverðugleika í evrukrísunni og að þeir, sem skildu ekki að ekki væri hægt að nota útgáfu sameiginlegra evruskulda­bréfa í kreppunni skildu ekki kjarna hennar.

Fjármálayfirvöld í Bretlandi gefa fyrirmæli um minni bónus- og arð­greiðslur

Fjármálayfirvöld í Bretlandi hafa gefið bönkum þar fyrirmæli um að draga úr bónus­greiðslum og arð­greiðslum og að íhuga að leita eftir auknu eigin fé á næstu mánuðum. Þessum aðgerðum er ætlað að búa bankana undir lánakreppu á næstu mánuðum, sem Englandsbanki telur að sé skollin á í evrulöndum en muni sjást betur á næstunni.

Markaðir hækka

Markaðir hækkuðu við opnun í Evrópu í morgun. London hækkaði um 0,72%, Frankfurt um 1,42% og París um 1,38%. Hong Kong hækkaði í nótt um 0,20% og Japan um 0,54%. Nasdaq hækkaði í gær um 0,22% en Dow Jones lækkaði hins vegar um 0,21%.

Mario Draghi: Samkomulag evruríkja um strangari reglur í ríkisfjármálum í undirbúningi

Mario Draghi, aðalbanka­stjóri Seðlabanka Evrópu, sagði í gær að nýtt plan væri í undirbúningi til að styrkja stöðu evru­svæðisns, sem byggðist á samkomulagi milli evruríkjanna um strangari reglur um ríkisfjármál. Þetta kom fram í ræðu, sem Draghi flutti á fundi Evrópu­þingsins.

Bretar höfðu forystu um aðgerðir sex seðlabanka

Bretar höfðu forystu um aðgerðir sex seðlabanka til þess að róa fjármála­markaði fyrr í vikunni, að sögn Mervyn King, aðalbanka­stjóra Englandsbanka. Þetta kom fram í ræðu, sem hann flutti í London í gær. Það var misheppnað skulda­bréfaútboð Þýzkalands, sem kom málinu af stað að sögn Reuters-fréttastofunnar. Það leiddi til samtals á milli seðlabanka Bandaríkjanna og Þýzkalands.