Mánudagurinn 5. desember 2011

S&P lýsir neikvæðum horfum í evru-ríkjunum 17

Mats­fyrirtækið Standard og Poor´s sagðist mánudaginn 5. desember hafa lýst „neikvæðum horfum“ í evru-ríkjunum 17. Í þessu felst að fyrirtækið kunni að lækka lánshæfiseinkunn ríkjanna þar á meðal Þýskalands, Hollands, Finnlands, Austurríkis, Lúxemborgar og Frakklands.

Merkel og Sarkozy vilja „nýjan sáttmála“ fyrir ESB og sjálfkrafa refsingar vegna ríkis­sjóðshalla

Nicolas Sarkozy Frakklands­forseti og Angela Merkel Þýskalandskanslari lögðu bæði áherslu á nauðsyn „nýs sáttmála“ ESB eftir fund sinn í París mánudaginn 5. desember. Þau sögðu að yrði ekki unnt að ná samkomulagi ríkjanna 27 um breytingar á ESB-sáttmálum yrðu að minnsta kosti evru-ríkin 17 að standa...

Kanadíski herinn: Umsvif Huangs á Íslandi réttlæta aukin útgjöld til varna á norðurskauts­svæðinu

„Í yfir­stjórn kanadíska hersins er töluverður áhugi á fasteign nokkurri sem kínverskur auðmaður reyndi að kaupa á Íslandi. Yfirmenn innan kanadíska hersins telja að af þessum sökum þarfnist Kanadamenn fleiri ísbrjóta, skipa og kafbáta.“

Írland: Nýir skattar-aukinn niðurskurður

Enda Kenny, forsætis­ráðherra Írlands, boðaði í sjónvarpsávarpi í gærkvöldi nýjar álögur á írskan almenning. Kreppan er ekki ykkur að kenna sagði Kenny en ég get ekki sagt ykkur annað en að aðgerðir okkar munu snerta alla írska borgara. Ríkis­stjórnin mun leggja fram í þessari viku tillögur, sem gera ráð fyrir 3,8 milljarða evra niðurskurði og skattahækkunum.

Merkel og Sarkozy á fundi í dag

Angela Merkel og Nicholas Sarkozy hittast á fundi í París í dag, sem BBC segir að sé upphafið að miklum fundahöldum í Evrópu í þessari viku, sem ljúki með leiðtogafundi evruríkjanna á fimmtudag og föstudag. Geithner, fjármála­ráðherra Bandaríkjanna verður á fundum í Evrópu frá þriðjudegi til fimmtudags með ráðamönnum þar.

Rússland: Flokkur Pútíns fékk áfall í kosningunum-gerir sér enn vonir um meirihluta

Þegar 95% atkvæða höfðu verið talin í þingkosningunum, sem fram fóru í Rússlandi í gær hafði Sameinað Rússland, flokkur Pútíns, fengið rétt undir 50% atkvæða og þar með misst 2/3 meirihluta í Dúmunni, sem er nauðsynlegur til að koma fram breytingum á stjórnar­skrá. Hins vegar gera forystumenn flokksins sér enn vonir um að fá meirihluta í þinginu.

Ítalía: Hækkun eignaskatts-sérstakur skattur á snekkjur-hækkun vsk og eftirlaunaaldurs

Mario Monti, forsætis­ráðherra Ítalíu flýtti fundi ríkis­stjórnar sinnar um einn dag frá því, sem áður hafi verið ráðgert og sagt frá hér á Evrópu­vaktinni.