Þriðjudagurinn 3. janúar 2012

Fjarar undan Þýskalandsforseta vegna samskipta hans við Bild

Christian Wulff, forseta Þýskalands, hefur ekki tekist að hreinsa sig af ásökunum sem tengjast lánveitingum hans til húsakaupa. Hann á nú í útistöðum við fjölmiðla vegna frásagnar í Bild um að hann hafi reynt að koma í veg fyrir að fjöldablaðið flytti fréttir af lánveitingunni.

Gríska ríkis­stjórnin: Brotthvarf af evru-svæðinu ef ekki tekst að fá endanlegt samþykki neyðarláns

Talsmaður grísku ríkis­stjórnar­innar sagði þriðjudaginn 3. janúar að Grikkir kynnu að segja sig úr evru-samstarfinu ef þeim tækist ekki að tryggja staðfestingu á síðasta neyðarláni ESB, Alþjóða­gjaldeyris­sjóðsins og banka. „Það verður að skrifa undir samninginn um lánið annars verður okkur úthýst af m...

Lufthansa leggur útblástursgjald á farþega

Þýska flug­félagið Lufthansa ætlar að leggja 130 milljóna evra útblástursskatt Evrópu­sambandsins á þessu ári beint á viðskiptavini sína.

Barroso: Treystir Dönum í einlægni til að lægja öldur og leita sátta innan ESB

José Manuel Barroso, forseti framkvæmda­stjórnar ESB, segir að reyna muni á það á næstu sex mánuðum hvort Dönum takist með formennsku sinni innan ESB að miðla málum og koma í veg fyrir frekari sundrungu meðal evru-ríkja annars vegar og ESB-ríkja utan evru-svæðisins hins vegar.

Evrópa: Markaðir ekki á einu máli í morgun

Markaðir voru ekki alveg á einu máli í morgun við opnun i Evrópu. Þannig hækkaði London um 1,10% og Frankfurt um 0,89%. Hins vegar lækkaði París um 0,58%. Sumir markaðir í Asíu hafa verið lokaðir vegna áramóta.

AP Möller-Mærsk íhugar sölu á 20% hlut í Danske Bank

AP-Möller-Mærsk samsteypan í Danmörku íhugar nú sölu á 20% hlut í Danske Bank að sögn Berlingske Tidende. Blaðið segir að samsteypan hafi falið McKinsey ráðgjafa­fyrirtækinu að leita að hugsanlegum sölumöguleikum á eignum og staðnæmst við hlutinn i Danske Bank.

Írland: Þríeykið krefst nýrra skatta og aukins niðurskurðar 2013

Þríeykið, ESB/AGS/Seðlabanki Evrópu, sem ráða miklu um efnahags­stefnu Írlands skilaði tveimur álitsgerðum um stöðu mála á Írlandi fyrir jól, sem nú hafa verið gerðar opinberar að sögn Irish Times. Þar kemur fram, að aukinn niðurskurður og nýjar skattahækkanir eru áformaðar á árinu 2013 til viðbótar við það, sem þegar hefur verið gert.

DT: Þjóðverjar gefast upp á evrunni á árinu

Ambrose Evans-Pritchard, alþjóðlegur viðskiptarit­stjóri Daily Telegraph dregur upp svarta mynd af nýju ári í blaðinu sínu í dag og spáir því að Þjóðverjar afskrifi evruna, þegar vandi evru­svæðisins fari að ógna Þýzkalandi sjálfu.