Fimmtudagurinn 16. febrúar 2012

Saksóknari krefst þess að forseti Þýskalands verði sviptur friðhelgi

Ríkis­saksóknari í Hannover krefst þess að Christian Wulff, forseti Þýskalands, verði sviptur friðhelgi svi að unnt sé að ákæra hann. Þýska þingið tekur ákvörðun um hvort orðið skuli við kröfu saksóknarans.

Ekkert samkomulag um veiðar á makríl 2012 - einhliða ákvörðun Íslands gildir - reiði hjá fulltrúum ESB og Noregs

Ekki náðist samkomulag um hvernig skipta beri veiðum úr makríl­stofninum á árinu 2012 á fundi sem lauk í Reykjavík fimmtudaginn 16. febrúar. Íslendingar munu veiða 145.000 tonn í ár samkvæmt einhliða ákvörðun Jóns Bjarnasonar áður en honum var vikiði úr embætti sjávar­útvegs- og landbúnaðar­ráðherra 31...

Hollenskur ráðherra gefur til kynna að Grikkir verði að bíða fram yfir kosningar

Jan Kees de Jager, fjármála­ráðherra Hollands, gaf til kynna fimmtudaginn 16. febrúar að ef til vill yrði Grikkjum ekki veittur aðgangur að seinna neyðarláni sínu fyrr en að loknum þingkosningum í apríl. „Æskilegast væri að gera þetta ekki fyrr en eftri kosningarnar, menn vilja eiga samskipti við rá...

Alex Salmond: Sjálfstætt Skotland getur lagt milljarð punda á ári í olíu­sjóð

Alex Salmond, forsætis­ráðherra heima­stjórnar Skota sagði í ræðu hjá London School of Economics í gær, að sjálfstætt Skotland gæti lagt fyrir 1 milljarð punda á ári í sjóð, sem mundi verða orðinn 30 milljarðar punda árið 2035 af olíutekjum úr Norðursjónum. Þessar hugmyndir Salmond byggjast að sögn The Scotsman á norska olíu­sjóðnum.

Cameron í Skotlandi: Leggur áherzlu á jákvæðar hliðar á sambandi þjóðanna

David Cameron, forsætis­ráðherra Bretlands er á ferð i Skotlandi í dag. Heimsókn hans er að verða annað og meira en sú kurteisisheimsókn, sem sagt var fyrir nokkrum dögum að hún yrði. Cameron mun flytja stefnumarkandi ræðu um sjálfstæðismál Skota í dag og The Scotsman birtir grein eftir ráðherrann í dag um sama mál.

Mario Monti: Gerðir Þjóðverja og Frakka 2003 rót vandans í dag

Mario Monti, forsætis­ráðherra Ítalíu hvatti til þess í ræðu á Evrópu­þinginu í gær, að völd þess yrðu aukin til þess að undirstrika lýðræðið í Evrópu á tímum erfiðra aðgerða.

Moody´s: Lánshæfismat 114 evrópskra fjármálafyrirtækja til neikvæðrar skoðunar

Moody´s hefur tilkynnt að mats­fyrirtækið hafi tekið lánshæfismat 114 evrópskra fjármálafyrirtækja til endurskoðunar með hugsanlega lækkun í huga að því er fram kemur í Daily Telegraph í morgun. Blaðið segir þessa ákvörðun Moddy´s benda til þess að evrukrísan sé að breiðast út.

Forseti Grikklands: Hver þykist Schauble vera? Hverjir þykjast Hollendingar og Finnar vera?

Samskipti Þjóðverja og Grikkja hafa ekki verið verri frá því að fjármálakreppan hófst að sögn gríska vefmiðilsins ekathimerini. Forseti Grikklands, Karolos Papouliasis, svaraði Schauble, fjármála­ráðherra Þýzkalands fullum hálsi í gær og spurði hver Schauble þættist vera, að hann gæti leyft sér að móðga grísku þjóðina með niðrandi ummælum.