Þriðjudagurinn 17. apríl 2012

Soros segir evru-ríkin á röngu róli - undirstöðum ESB sé ógnað

George Soros, milljarðamæringur í Bandaríkjunum, varaði við því mánudaginn 16. apríl að evru-vandinn væri að magnast og ógnaði undirstöðum Evrópu­sambandsins vegna þess að stjórnmálamenn mæltu með röngum aðgerðum. „Ég óttast að evru-vandinn sé að aukast. Hann er ekki enn úr sögunni og þeir sem reyna...

Ágreiningur milli Ögmundar og Steingríms J. vegna ESB-aðildarviðræðnanna og Icesave-réttarhaldanna skerpist - báðir segjast þó styðja Össur

Forystumenn VG, Ögmund Jónasson og Steingrím J. Sigfússon greinir á um leiðir í aðildarviðræðunum við Evrópu­sambandið og um pólitísk viðbrögð við þeirri ákvörðun framkvæmda­stjórnar ESB að gerast aðili að Icesave-málinu gegn Íslendingum. Ögmundur segir ESB kasta blautri tusku í Íslendinga og vill sky...

Alþjóða­gjaldeyris­sjóðurinn spáir vexti á heimsvísu en varar við annarri kreppu á evru-svæðinu einkum vegna ástandsins á Spáni

Alþjóða­gjaldeyris­sjóðurinn (AGS) segir að „nokkurrar bjartsýni gæti að nýju“ í heimsbúskapnum og spáir aðeins örari hagvexti en áður. Nú er spáon um 3,5% vöxt á árinu 2012 í stað 3,3% áður.

Chirac sagður styðja Hollande í forsetakosningunum gegn Sarkozy

Jacques Chirac, fyrrverandi forseti hægrimanna í Frakklandi, er ætlar að kjósa sósíalistann François Hollande í fyrri umferð forsetakosninganna sunnudaginn 22. apríl segir blaðið Le Parisien þriðjudaginn 17. apríl. Bernadette, eiginkona Chiracs, er hins vegar virk í kosningabaráttu Sarkozys og hefur...

Lántökukostnaður Spánverja tvöfaldast

Skömmu fyrir kl. níu að íslenzkum tíma bárust fréttir um útboð Spánverja á 12 mánaða og 18 mánaða skulda­bréfum í morgun. Útboðið gekk vel en lántökukostnaður tvöfaldaðist. Spánn seldi 12 mánaða bréf fyrir 2,09 milljarða evra og reyndust meðalvextir vera 2,623% en voru 1,418% í síðasta sambærilegu útboði.

AGS: Japan leggur sjóðnum til 60 milljarða dollara-vantar enn 340 milljarða

Christine Lagarde, for­stjóri Alþjóða gjaldeyris­sjóðurinn hefur kallað eftir því að þau ríki, sem standa að sjóðnum leggi honum til aukið fé. Hún segir að sjóðurinnn þurfi á að halda 400 milljörðum dollara í nýju fé og ef fleiri evruríki lendi í vandræðum verði fjárþörfin enn meiri. Í fréttum í morgun kemur fram að Japan hefur nú lofað því að leggja fram 60 milljarða dollara.

Madrid: Rætt um að taka fjármála­stjórn af sjálf­stjórnar­svæðum

Stjórnvöld í Madrid hafa nú við orð að taka fjármála­stjórnina úr höndum sjálf­stjórnar­svæða, jafnvel nú í maí, ef þau haldi sig ekki innan settra marka. Þetta kemur fram í Financial Times. Áhyggjur fjármála­markaða vegna Spánar snúast annars vegar um sjálf­stjórnar­svæðin og hins vegar um bankana.