Föstudagurinn 25. maí 2012
Jens Weidmann, seðlabankastjóri Þýskalands, varar við því að litið sé á evru-skuldabréf sem vopn í baráttunni við skuldavandann á evru-svæðinu. Hann segir að ekki sé unnt að losna við skuldir með því að safna meiri skuldum.
Moody's lækkar lánshæfiseinkunn þriggja sænskra banka af ótta við þróunina innan ESB
Moody‘s hefur lækkað lánshæfiseinkunn þriggja sænskra banka með þeim rökum að þeir séu í hættu versni efnahagsástandið innan ESB enn frekar.
FAZ: Merkel er ekki einangruð innan ESB - hún hafði betur en Hollande á fyrsta leiðtogafundi hans
Þýska ríkisstjórnin er ekki einangruð innan ESB í afstöðu sinni gegn evru-skuldabréfum segir þýska blaðið Frankfurter Allgemeine Zeitung (FAZ) föstudaginn 25. maí. Það hafi aðeins lítill minnihluti leiðtoga ESB-ríkjanna talað fyrir útgáfu sameiginlegra ríkisskuldabréfa á leiðtogafundi ESB-ríkjanna í...
Bandaríkjaþing hefur ekki veitt forseta Bandaríkjanna heimild til að fullgilda hafréttarsáttmála Sameinuðu þjóðanna.
Mario Monti: Evruríkin hafa ætlazt til of mikils af Grikkjum
Samstarfsríki Grikklands hafa gert óraunhæfar kröfur á hendur Grikkjum, segir Mario Monti, forsætisráðherra Ítalíu. Hann segir að það hafi verið röng afstaða hjá öðrum evruríkjum að ætlast til umbóta og bættrar stöðu ríkisfjármála á skemmri tíma en framkvæmanlegt væri. Evruríkin hafi ætlast til að það sem taki áratugi yrði gert á tveimur til þremur árum.
Til harkalegra slagsmála kom í þingi Úkraínu, þegar til umræðu var tillaga um að gera rússnesku að öðru tungumáli Úkraínu.
Evrópa: Stórir fjárfestingarsjóðir selja eignir í evrum
Stórir fjárfestingarsjóðir í Evrópu hafa staðfest, að þeir hafi selt eignir í evrum. Ástæðan er hætta á útgöngu Grikkja af evrusvæðinu og afleiðingar hennar. Þetta kemur fram í Financial Times sem segir að fallandi gengi evrunnar í þessum mánuði hafi komið mörgum á óvart. Gengi evrunnar gagnvart dollar hefur lækkað um 5% á þremur vikum eftir að hafa ekki haggast árum saman.
Skotland: 57% andvígir sjálfstæði-33% með
Samkvæmt nýrri skoðanakönnun vilja 33% Skota sjálfstæði en 57% eru andvígir. Það var Alistair Darling, fyrrum fjármálaráðherra Breta, sem kynnti þessar niðurstöður en Darling hefur nú tekið að sér forystu fyrir þeim hópi Skota sem vilja ekki sjálfstæði. Að baki honum standa sameiginlega í þeirri baráttu, Verkamannaflokkurinn, Íhaldsflokkurinn og Frjálslyndi flokkurinn.
Evrópa hefur ekkert lært-og Icesave-flokkarnir hafa ekkert lært
Vindáttin breytist hratt í Evrópu. Nú eru að verða enn ein vatnaskil í umræðum þar. Fleiri og fleiri stjórnmálaleiðtogar koma nú fram og segja, að of hart hafi verið gengið að Grikkjum með þeim skilmálum, sem þeim voru settir með lánveitingum.
Atkvæðagreiðslan í þinginu í gær um tillögu Vigdísar Hauksdóttur þarf ekki endilega að þýða, að ekki sé meirihluti fyrir því þar, að þjóðin sjálf taki ákvörðun um hvort framhald verði á samningaviðræðum við Evrópusambandið. Þvert á móti. Af 34 atkvæðum, sem fram komu gegn tillögu Vigdísar voru þrjú frá þinmönnum Hreyfingarinnar.