Mánudagurinn 11. júní 2012

Ávöxtunarkrafa hækkar á ítölskum og spænskum ríkisskulda­bréfum þrátt fyrir neyðarlán til spænskra banka - verður Ítalía næst í sviðsljósinu vegna skuldavanda?

Áhyggjur fjármálamanna vegna skulda ríkjanna á evru-svæðinu hafa ekki horfið þrátt fyrir allt að 100 milljarða evru neyðarlán til að endurfjármagna spænska banka.

IATA: Spáir stórtapi evrópskra flug­félaga árið 2012

Flugfélög í Evrópu munu tapa stórfé á þessu ári segir í skýrslu IATA, samtökum flug­félaga. IATA telur að rekja megi vanda flug­félaganna að verulegu leyti til evru-kreppunnar.

Fjármála­ráðherra Þýskalands: Þríeykið mun hafa eftirlit með því að Spánverjar standi við lánaskilmála

Wolfgang Schäuble, fjármála­ráðherra Þýskalands, segir að eftirlitsmenn á vegum ESB, Seðlabanka Evrópu (SE), og Alþjóða­gjaldeyris­sjóðsins (þríeykisins) muni fylgjast með ráðstöfun þeirra milljarða evra sem veitt verður til spænskra banka að ósk stjórnvalda í Madrid.

Írland: Vonbrigði vegna sömu vaxta til spænskra banka

Irish Times segir í morgun að lánakjörin vegna björgunar spænsku bankanna hafi dregið úr vonum Íra um betri kjör á þeirra eigin bankalánum, en eins og fram hefur komið tók írska ríkið ábyrgð á öllum skuldbindingum írskra banka að kröfu Seðlabanka Evrópu og Evrópu­sambandsins. Írar hafa síðan reynt að ná fram hagstæðari lánakjörum.

WSJ: Kaupendur spænskra ríkisskulda­bréfa fyrst og fremst spænskir bankar

Wall Street Journal segir í morgun, að sumir sér­fræðingar telji, að batnandi viðhorf markaða til Spánar verði skammvinnt. Verg landsframleiðsla muni minnka í ár um 1,7%, avinnuleysi fara vaxandi og hugsanlegt sé að áætlaður fjárlagahalli, sem er 5,3% verði meiri. Spurt sé hvernig hann verði fjármagnaður. WSJ segir að allt þetta ár hafi erlendir fjárfestar dregið sig út af markaðnum á Spáni.

Frakkland: Marine Le Pen gjörsigraði Jean-Luc Mélenchon

Marine Le Pen, leiðtogi Þjóðfylkingarinnar í Frakklandi fékk 42% atkvæða í því kjördæmi, sem hún bauð sig fram í í frönsku þingkosningunum í gær, Henin-Beaumont, og gjörsigraði þar með Jean-Luc Mélenchon, frambjóðanda flokkanna yzt til vinstri, sem skorað hafði hana á hólm í kjördæminu. Mótframbjóðandi hennar í seinni umferð kosninganna verður því frambjóðandi sósíalista.

Spánn: Markaðir brugðust vel við í morgun en Reuters segir efasemdir um framhaldið

Markaðir brugðust vel við hjálparbeiðni Spánar vegna spænsku bankanna við opnun í morgun.