Laugardagurinn 4. ágúst 2012

Obama móðgar Tyrki með hornaboltakylfu

Reiðialda fer um Tyrkland vegna myndar sem sýnir Barack Obama í símtali við Recep Tayyip Erdogan, forsætis­ráðherra Tyrklands. Blöskrar Tyrkjum að forsetinn heldur um hornaboltakylfu í hægri hendi og símtólinu hinni vinstri. Símtalið snerist um ástandið í Sýrlandi. Skrifstofa forsetans sendi myndina frá sér að samtalinu loknu.

Die Welt: Seðlabanki Evrópu heldur Grikklandi fjárhagslega á floti

Seðlabanki Evrópu (SE) heldur Grikklandi nú á floti og bjargar ríkinu frá gjaldþroti segir þýska blaðið Die Welt laugardaginn 4. ágúst. Lætur SE fé renna um gríska seðlabankann að sögn blaðsins. SE neitar að svara spurningum um frétt blaðsins. Die Welt segir að fimmtudaginn 2. ágúst hafi bankaráð...

Helmut Schmidt, 93 ára, eignast nýjan lífsförunaut

Helmut Schmidt, fyrrverandi kanslari Þýskalands, varð fréttaefni í götublaðinu Bild föstudaginn 3. ágúst á sama hátt og séð-og-heyrt fólkið fræga þegar sagt var frá því að hann hefði fundið nýjan lífsförunaut, hina 78 ára gömlu Ruth Loah sem hann hefði þekkt í 57 ár. Tekið er fram að hún reyki. Fré...

Varnarmála­ráðherra Þýskalands vill að her landsins eignist fjarstýrð flugtæki

Thomas de Maiziére, varnarmála­ráðherra Þýskalands, segir að hann vilji gjarnan sjá fjarstýrð flugtæki í þýska hernum. Bandaríkjamenn beita slíkum tækjum í Afganistan og Pakistan. Í viðtali við Die Welt sagði ráðherrann að hann sæi engan mun á því að nota mannaðar eða ómannaðar flugvélar, báðar tegundir flugvéla rúmuðust innan varnar­stefnu Þýskalands þar sem bann er lagt við árás að fyrra bragði.

Grikkland: Erlend fjármála­fyrirtæki reyna að losna - en gengur erfiðlega

Erlend fjármála­fyrirtæki reyna nú í stórum stíl að komast frá Grikklandi. Ekathimerini, gríski vefmiðillinn segir að líkja megi þessu við faraldur. Portúgalski Millennium bankinn er að reyna að selja útibú sín í Grikklandi og tveir bankar frá Kýpur eru að reyna að gera það sama eða skapa útibúum sínum í Grikklandi lagalegt sjálfstæði til þess að takmarka skaðann ef Grikkland fer af evru­svæðinu.

BarentsObserver: Herskip úr Norðurflota Rússlands á leið til Tartus í Sýrlandi

Þrjú rússnesk herskip úr Norðurflota Rússlands, sem sérstaklega eru gerð fyrir landgöngu af sjó og eru með samtals um 360 sjóliða um borð eru nú í Miðjarðarhafi og munu koma í höfn í Tartus í Sýrlandi til þess að taka vatn og vistir. Að því búnu munu þau að sögn rússnesku fréttastofunnar Interfax halda áfram ferð sinni um Bosphorus tl Novorosslysk í Svartahafi.

Samskipti Svíþjóðar og Hvíta-Rússlands í uppnámi-sendiherrar reknir úr landi

Samskipti Svíþjóðar og Hvíta-Rússlands eru í uppnámi eftir að Hvíta-Rússlandi rak sendiherra Svia, Stefán Eriksson, úr landi. Ástæðan er talin sú, að sænskt auglýsinga­fyrirtæki sendi bangsa sem varpað var út í fallhlífum yfir Hvíta-Rússlandi en bangsarnir höfðu með sér skilaboð, þar sem krafizt var málfrelsis í Hvíta-Rússlandi.